مايقايىڭدا ىزدەستىرىلىپ جاتقان ادامداردىڭ تاعى دا زاتتارى تابىلدى

ساعىنىش سارداروۆا 02 اقپ. 2024 17:31 4242


پاۆلودار وبلىسىنىڭ اكىمى اسايىن بايحانوۆ مايقايىڭدا ىزدەستىرىلىپ جاتقان قۇتقارۋشىلارعا قاتىستى جاڭا دەرەك ايتتى، - دەپ حابارلايدى Dalanews.kz.


ءوڭىر اكىمىنىڭ سوزىنشە، قۇتقارۋشىلاردىڭ كەيبىر زاتتارى تابىلعان.



"مايقايىڭ "التىن" اق كەنىشىندە ىزدەۋ جۇمىستارى جۇرگىزىلگەن جەردە بۇگىن جاڭا بولشەكتەر، ياعني قۇتقارۋشىنىڭ كاسكاسى، اۆتوبۋستىڭ ىشكى سورەسى ەسىگىنىڭ كىشىگىرىم بولىگى جانە دە قۇتقارۋشىنىڭ "XFERRA" قول راديوستانسياسى تابىلىپ، جەر بەتىنە كوتەرىلدى"، - دەپ جازدى اكىم.



ايتا كەتەيىك، 4 قاڭتاردا ساعات 01.25 شاماسىندا باياناۋىل اۋدانىندا "مايقايىڭ التىن" اق اۋماعىندا، مايقايىڭ كەنىشى شاحتاسىنىڭ ماڭىندا ءتورت جولاۋشىسى بار اۆتوبۋس تازارتۋ كەڭىستىگىنە قۇلاپ كەتكەن ەدى. كەيىن ەكى ادام ءولى تابىلدى. ال ەكى ادام ءالى ىزدەستىرىلىپ جاتىر.



ۇسىنىلعان
سوڭعى جاڭالىقتار