№ 48386 ەسكەري بٶلٸمشە باستىعىنىڭ ورىنباسارى رٷستەم جانىقباەۆتىڭ دەنەسٸ ٶتكەن جىلدىڭ جەلتوقسانىندا ٷيٸنٸڭ اۋلاسىنان تابىلعان بولاتىن.
تۋرا 40 كٷن بۇرىن مايور رٷستەم جانىقباەۆتى قاراتال ىقشاماۋدانىنداعى ٶزٸ تۇراتىن كٶپقاباتتى ٷيدٸڭ الدىندا اتىپ كەتكەن.
جارالانعان ەسكەري قىزمەتكەر دەرٸگەرلەر جەتكەنشە جان تاپسىرعان-دى. سودان بەرٸ جەدەل ٸزدەستٸرۋ تەرگەۋ توبى مايوردى مەرت قىلعان ادامنىڭ ٸزٸنە تٷستٸ. ال قاسكٶي الىستان كەلمەگەن بولدى.
اڭشى مىلتىعىنان وق اتقان 38 جاستاعى ەر ازامات №48/386 ەسكەري بٶلٸمشەسٸنٸڭ قىزمەتكەرٸ. ياعني, مارقۇمنىڭ ەرٸپتەسٸ. قىلمىسىن دا بٸردەن مويىنداعان. ول قىلمىسقا بارعانىنا ٶكٸنەتٸنٸن, قولىن قانعا مالۋىنا مارقۇم جانىقباەۆتان كٶرگەن ەلٸمجەتتٸكتەن كەيٸن بارعانىن ايتىپتى. 36 جاستاعى باستىعىنىڭ توقپاعىنا شىداماعان ول قارۋ كەزەنٸپتٸ.
– مايور جانىقباەۆ جۇمىستا ٶزٸنٸڭ قىزمەتٸن پايدالانىپ ۇرىپ, ٷنەمٸ سوعاتىن. سوعان شىداي الماي قىلمىس جاسادىم, – دەدٸ ەرٸپتەسٸنە وق اتىقان ەسكەري ادام.
ەۋەل باستا مارقۇمنىڭ تۋىستارى دا بۇل قاستاندىقتى رٷستەمنٸڭ قىزمەتٸمەن بايلانىستارعان. بولجام دٶپ كەلدٸ.
– اتالعان فاكتٸ بويىنشا قر قىلمىستىق كودەكستٸڭ 99-بابىنا سەيكەس قىلمىستىق ٸس قوزعالىپ, جەدەل ٸزدەستٸرۋ شارالارى باستالدى. نەتيجەسٸندە كٷدٸكتٸ انىقتالىپ, قۇرىقتالدى. بٷگٸنگٸ تاڭدا ٸستٸڭ مەن-جايى انىقتالىپ جاتىر. ەزٸرگە كٷدٸكتٸ ۋاقىتشا ۇستاۋ يزولياتورىندا, – دەدٸ تالدىقورعان قالالىق پب باستىعىنىڭ ورىنباسارى باۋىرجان تٸلەكباەۆ.
ال, كٸسٸ قولىنان قازا تاپقان مايوردىڭ ارتىندا ەكٸ بالاسى قالدى. ەسكەريلەر قىزمەت ەتكەن ەسكەري بٶلٸمشە وسى ۋاقىتقا دەيٸن بولعان جايتقا قاتىستى قانداي دا بٸر پٸكٸر بٸلدٸرۋگە قۇلىقسىز.
ەسەم قابىلبەك
