سوڭعى 5 جىلدىڭ ىشىندە قازاقستان – ءداستۇرلى استىق شىعاراتىن مەملەكەت رەتىندە باسىمدىقتارىن قايتا قاراپ، مايلى داقىلداردى وسىرۋگە باسىمدىق بەرگەن بولاتىن. ەگىستىك القابىن ءارتاراپتاندىرۋعا جانە ماي داقىلدارىن ءوسىرۋدى سۋبسيديالاۋعا باعىتتالعان مەملەكەتتىڭ ساياساتى وسى سەكتورداعى يمپورتتىڭ ۇلەسىن ازايتۋعا جانە ءوزىنىڭ جەكە قايتا وڭدەۋشى ءوندىرىسىن دامىتۋدى كوزدەگەن-دى. ناتيجەسىندە، سوڭعى جىلدارى قازاقستاننىڭ ماي-توڭماي سەكتورى ءبىرشاما ورلەگەنى كونفەرەنسيا بارىسىندا ايتىلدى.
سونىمەن، 2016-2017 جىلداردىڭ قورىتىندىسى بويىنشا، ماي داقىلدارىنىڭ ءوندىرىسى رەكوردتىق دەڭگەيگە جەتىپ، 1،9 ملن.توننانى قۇراپ، ورتاشا كولەمى 27%-عا جوعارلاعانى ءمالىم بولدى. 2017 جىلى ماي داقىلدارىنا ارنالعان ەگىستىك الاڭدارى وتكەن جىلعى كورسەتكىشتەن 22%-عا ارتتى، جانە 2،48 ملن. گەكتەردى قۇراپتى. وتكەن ماۋسىمعا قاتىستى شىعىمدىلىقتىڭ كۇتىلگەن تومەندەۋىنە قاراماستان، ماۋسىم قورىتىندىسى بويىنشا جالپى جيىن 2،2 ملن. تونناعا دەيىن ءوسۋى مۇمكىن .
اياقتالۋعا جاقىن جىلدىڭ قورىتىندىسى بويىنشا كۇنباعىستى قايتا وڭدەۋ كولەمى رەكوردتىق 485 مىڭ توننانى قۇرادى، ول وتكەن ماۋسىمنىڭ كورسەتكىشىنەن 36،6%-عا ارتقان. وسىلايشا كۇنباعىس مايىنىڭ ءوندىرىسى 203،7 مىڭ توننانى قۇرادى. 2017-2018 جىلدارى ىشىندە ماي داقىلداردى قايتا وڭدەۋ ءىسى 480 مىڭ تونناعا دەيىن ارتادى دەپ كۇتىلۋدە. ال ماي ءوندىرىسى 201،6 مىڭ توننانى قۇراۋى مۇمكىن.
الايدا قازاقستاننىڭ ماي-توڭماي سالاسىنىڭ ءتيىمدى جۇمىس ىستەۋى ءۇشىن وندىرىستىك سالادا دا، سونىمەن بىرگە قايتا وڭدەۋشى سالادا دا ايتارلىقتاي كوپتەگەن كوكەيكەستى مىندەتتەردى شەشۋ قاجەت.
«KazOil 2017» حالىقارالىق كونفەرەنسياسىنىڭ باعدارلاماسى ءۇش سەسسيادان تۇرادى – «قازاقستان الەمدىك ماي داقىلدارى نارىعىنىڭ كارتاسىندا»، «الەمدىك ماي داقىلدارى نارىعى: نەگىزگى ۇردىستەر، تۇتىنۋ نارىقتارى» جانە «قازاقستاننىڭ ماي داقىلدارى سالاسىن جاڭارتۋ: قاۋىپتەرى مەن پەرسپەكتيۆالارى». اتالعان باعىتتاردىڭ وزەكتى ماسەلەلەرىن تالقىلاۋ بارىسىندا ءبىرقاتار تانىمال قازاقستاندىق جانە شەتەلدىك ساراپشىلار ءوز ويلارىن ورتاعا سالدى.
ءىس-شارا شەڭبەرىندە «قازاگرو» حولدينگىنىڭ قۇرىلىمىنداعى كومپانيا – «اگرارلىق نەسيە كورپوراسياسى» اق جانە «قازاقستاننىڭ ماي-توڭماي وداعى» قاۋىمداستىعى» زتب اراسىنداعى ىنتىماقتاستىق تۋرالى مەموراندۋمعا قول قويىلدى. بۇدان باسقا، «قازاگرو» حولدينگىنىڭ باسقا ەنشىلەس كومپانياسى – «ازىق-تۇلىك كەلىسىم شارت كورپوراسياسى» ۇك» اق وسىمدىك مايلارى نارىعىندا ءبىرتۇتاس ەكسپورتتىق ساياسات قالىپتاستىرۋ جونىندەگى ىنتىماقتاستىق تۋرالى ءبىرقاتار مەموراندۋمدار جاساستى.
