Maily daqyldar – rekordtyq kórsetkishti eńserdik
Sońǵy 5 jyldyń ishinde Qazaqstan – dástúrli astyq shyǵaratyn memleket retinde basymdyqtaryn qaita qarap, maily daqyldardy ósirýge basymdyq bergen bolatyn. Egistik alqabyn ártaraptandyrýǵa jáne mai daqyldaryn ósirýdi sýbsidiialaýǵa baǵyttalǵan memlekettiń saiasaty osy sektordaǵy importtyń úlesin azaitýǵa jáne óziniń jeke qaita óńdeýshi óndirisin damytýdy kózdegen-di. Nátijesinde, sońǵy jyldary Qazaqstannyń mai-tońmai sektory birshama órlegeni konferentsiia barysynda aityldy.
Sonymen, 2016-2017 jyldardyń qorytyndysy boiynsha, mai daqyldarynyń óndirisi rekordtyq deńgeige jetip, 1,9 mln.tonnany qurap, ortasha kólemi 27%-ǵa joǵarlaǵany málim boldy. 2017 jyly mai daqyldaryna arnalǵan egistik alańdary ótken jylǵy kórsetkishten 22%-ǵa artty, jáne 2,48 mln. gekterdy qurapty. Ótken maýsymǵa qatysty shyǵymdylyqtyń kútilgen tómendeýine qaramastan, maýsym qorytyndysy boiynsha jalpy jiyn 2,2 mln. tonnaǵa deiin ósýi múmkin .
Aiaqtalýǵa jaqyn jyldyń qorytyndysy boiynsha kúnbaǵysty qaita óńdeý kólemi rekordtyq 485 myń tonnany qurady, ol ótken maýsymnyń kórsetkishinen 36,6%-ǵa artqan. Osylaisha kúnbaǵys maiynyń óndirisi 203,7 myń tonnany qurady. 2017-2018 jyldary ishinde mai daqyldardy qaita óńdeý isi 480 myń tonnaǵa deiin artady dep kútilýde. Al mai óndirisi 201,6 myń tonnany quraýy múmkin.
Alaida Qazaqstannyń mai-tońmai salasynyń tiimdi jumys isteýi úshin óndiristik salada da, sonymen birge qaita óńdeýshi salada da aitarlyqtai kóptegen kókeikesti mindetterdi sheshý qajet.
«KazOil 2017» Halyqaralyq konferentsiiasynyń baǵdarlamasy úsh sessiiadan turady – «Qazaqstan álemdik mai daqyldary naryǵynyń kartasynda», «Álemdik mai daqyldary naryǵy: negizgi úrdister, tutyný naryqtary» jáne «Qazaqstannyń mai daqyldary salasyn jańartý: qaýipteri men perspektivalary». Atalǵan baǵyttardyń ózekti máselelerin talqylaý barysynda birqatar tanymal qazaqstandyq jáne sheteldik sarapshylar óz oilaryn ortaǵa saldy.
Is-shara sheńberinde «QazAgro» holdinginiń qurylymyndaǵy kompaniia – «Agrarlyq nesie korporatsiiasy» AQ jáne «Qazaqstannyń mai-tońmai odaǵy» qaýymdastyǵy» ZTB arasyndaǵy yntymaqtastyq týraly Memorandýmǵa qol qoiyldy. Budan basqa, «QazAgro» holdinginiń basqa enshiles kompaniiasy – «Azyq-túlik kelisim shart korporatsiiasy» UK» AQ ósimdik mailary naryǵynda birtutas eksporttyq saiasat qalyptastyrý jónindegi yntymaqtastyq týraly birqatar memorandýmdar jasasty.
