ماحاببات تۋرالى ٶلەڭ
سەتٸنەپ جانىم, شەرلەنەم,
سٷيۋدٸ – باقىت دەيتٸننٸڭ بەرٸ,
ەلٸ دە سٷيٸپ كٶرمەگەن.
اداسىپ بارىپ, تالاسىپ-تالىپ,
سٷرٸنٸپ, سوسىن, ەس كٸردٸ.
ادامنىڭ ناعىز باقىتتى شاعى سٷيمەگەن كەزٸ ەشكٸمدٸ.
جىلىنىپ بارىپ, جۇلىنىپ-جارىپ,
جٷرەك كٶزٸنەن جاس تامادى.
ماحاببات وتى تۇتانعان كٷننەن,
باقىتسىزدىقتار باستالادى.
كٶرٸنبەس كٶزگە ەلەستٸ قۋىپ,
كٶڭٸلدٸ, سوسىن, بٸر دەمدەر.
ادامنىڭ بەرٸ سٷيٸسكەن سەتتەن,
باقىتىن ٸزدەپ جٷرگەندەر.
ساناسى ەبدەن ەسكٸرگەن دەمە,
ساناما جاسىق, پاسىققا.
باقىتتى بولعىڭ كەلسە ەگەر, دوسىم,
سٷيۋگە وندا اسىقپا!
اداستىم دەي بەر,
ادامنىڭ بەرٸ,
باقىتقا سەندەي اسىققان.
باقىتتىمىن دەپ ايتپايدى بٸراق,
سەبەبٸ, ولار – عاشىقتار!
ٶزٸم دە – تۇتقىن, شىعا الماي كەلەم,
جٷرەكتەي جۇقا بٶلمەدەن.
سٷيۋدٸ – باقىت دەيتٸننٸڭ بەرٸ,
ەشقاشان سٷيٸپ كٶرمەگەن.
مۇقاعالي ماقاتاەۆ
