Setinep janym, sherlenem,
Súıýdi – baqyt deıtinniń bári,
Áli de súıip kórmegen.
Adasyp baryp, talasyp-talyp,
Súrinip, sosyn, es kirdi.
Adamnyń naǵyz baqytty shaǵy Súımegen kezi eshkimdi.
Jylynyp baryp, julynyp-jaryp,
Júrek kózinen jas tamady.
Mahabbat oty tutanǵan kúnnen,
Baqytsyzdyqtar bastalady.
Kórinbes kózge elesti qýyp,
Kóńildi, sosyn, bir demder.
Adamnyń bári súıisken sátten,
Baqytyn izdep júrgender.
Sanasy ábden eskirgen deme,
Sanama jasyq, pasyqqa.
Baqytty bolǵyń kelse eger, dosym,
Súıýge onda asyqpa!
Adastym deı ber,
Adamnyń bári,
Baqytqa sendeı asyqqan.
Baqyttymyn dep aıtpaıdy biraq,
Sebebi, olar – ǵashyqtar!
Ózim de – tutqyn, shyǵa almaı kelem,
Júrekteı juqa bólmeden.
Súıýdi – baqyt deıtinniń bári,
Eshqashan súıip kórmegen.
Muqaǵalı Maqataev
