ماسكەۋدەگى "كروكۋس سيتي حولل" كونسەرت زالىندا بولعان تەراكتكە قاتىسى بار دەگەن تاعى ءبىر كۇدىكتى ۇستالدى، - دەپ حابارلايدى Dalanews.kz.
رەسەيدىڭ تەرگەۋ كوميتەتىنىڭ ءتوراعاسى الەكساندر باسترىكين جەدەل كەڭەس وتكىزىپ، جيىندا تەرگەۋگە قاتىستى جاڭا دەرەكتەر ايتىلعان.
"تەرگەۋ سوتقا وعان قاتىستى قاماۋعا الۋ تۇرىندەگى بۇلتارتپاۋ شاراسىن تاڭداۋدى سۇرايدى"، - دەلىنگەن ۆەدومستۆونىڭ Telegram-كانالىندا.
تەرگەۋ مالىمەتىنشە، ۇستالعان كۇدىكتى تەرروريستەردى قارجىلاندىرۋمەن اينالىسقان بولۋى مۇمكىن.
ايتا كەتەيىك، 22 ناۋرىزدا كەشكى ۋاقىتتا ماسكەۋدەگى "كروكۋس سيتي حولل" كونسەرت زالىندا تەراكت بولعان ەدى. قارۋ اسىنعان بىرنەشە ادام قاراپايىم تۇرعىندارعا وق جاۋدىرا باستادى. سالدارىنان، سوڭعى دەرەكتەر بويىنشا، 143 ادام قازا تاپتى.
