بۇل تۋرالى قاۋىمداستىقتىڭ Instagram پاراقشاسىندا جازىلدى.
ق ر سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سامات سەرىكقان ۇلى ەرعالييەۆ ەركىن كۇرەستەن سپورت شەبەرى. "ەرەن ەڭبەگى ءۇشىن" مەدالى، "دەنە شىنىقتىرۋ جانە سپورت سالاسىن دامىتۋعا قوسقان ۇلەسى ءۇشىن" توسبەلگىسىمەن جانە "ۇلتتىق سپورتتى دامىتۋعا قوسقان ۇلەسى ءۇشىن" مەملەكەت باسشىسىنىڭ العىس حاتتارىمەن ماراپاتتالعان.
قاۋىمداستىق 2020 جىلدىڭ قاڭتارىندا رەسپۋبليكالىق قازاق كۇرەسى فەدەراسياسى، قازاق كۇرەسى حالىقارالىق فەدەراسياسى جانە دۇنيەجۇزىلىك قازاق كۇرەسى فەدەراسياسىنىڭ بىرىگۋى ناتيجەسىندە قۇرىلعان. بىرلەستىكتى سول كەزدەگى ۇقك ءتوراعاسى قازىرگى ۋاقىتتا قاماۋعا الىنعان كارىم ءماسىموۆ باسقارعان.
Qazaq kuresi قاۋىمداستىعىنىڭ ماقساتى – ۇلتتىق سپورت ءتۇرىن رەسپۋبليكالىق جانە حالىقارالىق ارەنادا دامىتىپ، وليمپيادا باعدارلاماسىنا ەنگىزۋ.
ۇلتتىق قاۋىپسىزدىك كوميتەتى قازىرگى كەزدە "مەملەكەتكە وپاسىزدىق جاساۋ جانە بيلىكتى كۇشپەن باسىپ الۋ تالپىنىسى" بويىنشا قىلمىستىق ءىستى تەرگەپ جاتىر.
بۇعان دەيىن ۇقك بۇرىنعى جەتەكشىسى كارىم ءماسىموۆ، ونىڭ ەكى ورىنباسارى ءانۋار ءسادىقۇلوۆ پەن داۋلەت ەرعوجين قاماۋعا الىنعان.
بۇعان قوسا، 7 اقپاندا ۇلتتىق قاۋىپسىزدىك كوميتەتى "ا" ارنايى تاعايىنداۋ قىزمەتى ديرەكتورىنىڭ ءبىرىنشى ورىنباسارى جانە قىزمەت ورتالىعىنىڭ باستىعى بيلىك وكىلەتىن اسىرا پايدالانۋ بابى بويىنشا ۇستالعانى بەلگىلى بولدى. ولارعا قوزعالعان قىلمىستىق ىستەر "قۇپيا" جۇرگىزىلۋى ءتيىس ىستەر قاتارىندا.
