قازاقستان رەسپۋبليكاسى
پرەمەر-مينيسترٸ
ك.ق. مەسٸموۆكە اشىق حات
كەرٸم قاجىمقانۇلى!
2007-جىلى سٸز ٷكٸمەت باسىنا پرەمەر-مينيستر بولىپ وتىرعان كٷننەن باستاپ, شەتتەن كەلەتٸن قازاق كٶشٸنٸڭ باسىنا قارا بۇلت ٷيٸرٸلە باستادى. 2002-2006 جىلدار ارالىعىندا اتاجۇرتقا 384 106 ادام ورالسا (بۇل - جالپى كەلگەندەردٸڭ 40.3 پايىزىن ۇستايدى), سٸز ٷكٸمەت تٸزگٸنٸن ۇستاعان سوڭ, كٷن ساناپ بۇل كٶرسەتكٸش تٶمەندەپ كەتتٸ. 2007-2011 جىلدار ارالىعىندا ورالعانداردىڭ سانى 308 832-گە تٷستٸ. ال سوڭعى تٶرت جىلدا قونىس اۋدارعاندار نەبارى 80 617 ادام... سوڭىن 2013-جىلعى تٶرت جىلسىز ازاماتتىق بەرٸلمەيتٸن, بٸر ۇلتتى ەكٸگە بٶلەتٸن فاشيستٸك زاڭ قابىلداتۋمەن تىندىردىڭىز.
ٷكٸمەت باسىنا س.احمەتوۆ كەلگەن سوڭ, قازاق كٶشٸنٸڭ قان تامىرىنا قان جٷگٸرەر, ەجەلگٸ ارناسىنا تٷسەر دەپ ٷمٸتتەنگەمٸز. سٸز پرەزيدەنت ەكٸمشٸلٸگٸندە جىمپيىپ وتىرىپ, ونىڭ دا اياق-قولىن تىرپ ەتكٸزبەي بۇعاۋلادىڭىز دا قويدىڭىز.
اقىرى سەرٸك نىعمەتۇلى دا 2012 جىلى 28 ناۋرىزدا سٸز بەكٸتكەن №362 قاۋلىنىڭ ەكٸ انىقتاماعا قاتىستى بٶلٸگٸنٸڭ بٸر تال نٷكتەسٸن دە ٶزگەرتپەستەن, قايتا قابىلداۋعا مەجبٷر بولدى. سٶيتٸپ, 2014 جىلعى 19 اقپانداعى س.احمەتوۆتىڭ قولى قويىلعان №111 قاۋلى ەلٸ قولدانىستا جٷر.
ايتپاقشى, 2011 جىلدىڭ 22 شٸلدەسٸندە پرەزيدەنت قول قويعان,16 تامىزدان باستاپ رەسمي قولدانىسقا ەنگەن №478 «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە حالىقتىڭ كٶشٸ-قونى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىندا: «سونداي-اق قازاقستان اۋماعىنان كەتكەن ادامدار مەن ولاردىڭ ۇرپاقتارىنان, ەگەر ولار تاريحي وتانى رەتٸندە تۇراقتى تۇرۋ ٷشٸن قازاقستان رەسپۋبليكاسىنا قايتىپ ورالعان بولسا», -دەگەن باتپانداي مەتٸندٸ سزٸدٸڭ جول ورتادان الىپ تاستاعان قاسكٷنەمدٸگٸڭٸزدٸ دە بٸز جاقسى بٸلەمٸز!
كەيٸن قازاقستان حالقى اسسامبلەياسىنىڭ كەزەتٸ بٸر جينالىسىندا ەلباسىعا جازۋشى سماعۇل ەلۋباي ارقىلى ايتقىزىپ, «تٷسٸپ قالعان» مەتٸندٸ قايتا قالپىنا كەلتٸرتتٸك.
سٸز قانشا جەردەن ۇلت كٶشباسشىسى ن. نازارباەۆتى تۋعان حالقىنا جەككٶرٸنٸشتٸ ەتٸپ كٶرسەتكٸڭٸز كەلگەنٸمەن, بٸز – شەتتەن كەلگەن جەنە ەندٸ كەلمەكشٸ اعايىندار ونىڭ ۇلى ەڭبەگٸن ەشقاشان جوققا شىعارمايمىز. قايتا ۇرپاقتان-ۇرپاققا جالعاستىرىپ دەرٸپتەيمٸز.
سٸز قانشا جەردەن قازاقستان رەسپۋبليكاسىنىڭ تۇڭعىش پرەزيدەنتٸ ن.نازارباەۆتىڭ ەل الدىندا بەدەلٸن تٷسٸرٸپ, سٷرٸندٸرگٸڭٸز كەلگەنٸمەن, ول دا سوناۋ 1992-جىلى 1 قاڭتاردا بٸزگە – الىستاعى تۋىستارىنا جولداعان «تۋعان جەردٸڭ تٷتٸنٸ دە ىستىق دەيدٸ حالقىمىز... سوندىقتان اتامەكەنگە كەلەمٸن دەۋشٸ اعايىندارعا جول اشىق. اتا-بابا ارۋاعى الدارىڭىزدان جارىلقاسىن!» دەگەن اق تٸلەگٸنەن بٸر جاڭىلعان ەمەس. سول ٷشٸن نۇرەكەڭە تٶبەمٸزدەن جول بەرەمٸز!
پاتشانىڭ اتى – پاتشا! ول ۋەدەسٸنەن تايمايدى. ول ايتقان بۇيرىق – زاڭ!
№362, كەيٸنگٸ №111 قاۋلىنىڭ كەسٸرٸنەن قانداستارىمىز ازاماتتىق الۋدى قويىپ, تۇراقتى تٸركەۋدٸڭ ٶزٸنە تۇرا الماي شۋلاپ جٷر. قايتا كٶشٸپ كەتكەن ەل قانشاما?! سٸزدٸڭ اتىڭىزعا جازىلعان حاتتار مەن ٶتٸنٸشتەردە ەسەپ جوق!
سٸز ەكٸنشٸ رەت ٷكٸمەت باسىنا كەلگەننەن بەرٸ ٶزٸڭٸزدٸ جۋرناليستەردەن, جالپى قاۋىمنان تاسادا ۇستايتىندى, كٶلەڭكەدە جٷرەتٸندٸ شىعاردىڭىز. بۇل قىلىعىڭىزدىڭ دا قۇپيياسىن بٸلدٸك. سٸزدە ەلگە قارايتىن بەت, بەدەل دەگەن قاسيەتتٸ ۇعىمداردىڭ جۇرناعى دا قالماعان ەكەن عوي. قازاققا, ٶتە-مٶتە شەتتەن كەلەتٸن قانداستارعا, ەلباسىنىڭ ۇلى ساياساتىنا كەدەرگٸ جاساعاننان ٶزگە شارۋاڭىز جوق!
مٸنە, نۇرەكەڭ بۇيرىق بەرگەن زاڭ جوباسى مەجٸلٸستە قارالا باستادى.
ٶزگەرٸستەر مەن تولىقتىرۋلار ەنگٸزٸلٸپ جارتىر. №111 قاۋلىداعى «سوتتىلىعى» جەنە «شىعۋ پاراعى» دەگەن ەكٸ قۇجاتتىڭ قىتاي زاڭىنا بايلانىستى, ول جاقتان كەلەتٸن قانداستارىمىزعا بەرٸلمەيتٸنٸن سٸز بٸلە تۇرىپ, «بۇل ەكٸ قۇجات قىتاي حالىق رەسپۋبليكاسىنان كەلەتٸن قانداستارىمىزدان تالاپ ەتٸلمەيدٸ» دەگەن جالعىز سٶيلەمدٸ ٷكٸمەت قاۋلىسىنا قوسۋعا قۇلىقسىزسىز. ەلٸ قاسارىسىپ وتىرسىز! قازاقتىڭ ونسىز دا جاۋى ازداي, الىستان كەلەتٸن اعايىندى دۇشپان كٶرٸپ, سوتتىلىعىن تەكسەرەسٸز. اتالمىش قاۋلىنى زاڭنامالىق جاقتان دايىنداپ, «شەتەلدIكتەر مەن ازاماتتىعى جوق ادامداردى تIركەۋ جەنە ولارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ ستاندارتىن» جاسايتىن ٸشكٸ ٸستەر مينيستٸرٸ ق. قاسىموۆ سٸزدٸڭ بۇيرىعىڭىزدى كٷتٸپ, جالتاقتاپ وتىر...
سوندىقتان, كەرٸم قاجىمقانۇلى, ٷكٸمەتتٸڭ №111 قاۋلىسىندا بەكٸتٸلگەن «ستاندارتتاعى» «سوتتىلىعى» جەنە «شىعۋ پاراعى» دەگەن ەكٸ قۇجاتتى قىتايدان كەلەتٸن قانداستارىمىزدان تالاپ ەتپەۋٸڭٸزدٸ سۇرايمىن.
بٸلە بٸلسەڭٸز, بٸزدٸڭ قازاق ٶتە كەشٸرٸمشٸل حالىق! يٸلٸپ الدىنا كەلسەڭ, اتاسىنىڭ دا قۇنىن كەشەدٸ. سٸزگە دە سولاي!
ەگەر, الداعى جەردە قانداستارىمىزدىڭ تۇراقتى تٸركەۋ مەن ازاماتتىق الۋىنا ەكٸ انىقتاما قۇجات تاعى كەدەرگٸ بولسا, جەنە ەسكەرتەيٸن, مىنا جاسالىپ جاتقان جاڭا زاڭىڭىزدىڭ دا قۇنى كٶك تيىن! وسىدان تۋىندايتىن بارلىق مەسەلە مەن زارداپقا تٸكە سٸز ٶز باسىڭىزبەن جاۋاپ بەرەسٸز, كەرٸم مىرزا!
[caption id="attachment_9476" align="alignleft" width="143"]
ەسكەرتۋ: ەرتەڭ قىتايدىڭ ٷكٸمەت سايتىنان شەتەلگە شىعۋعا بايلانىستى ەكٸ زاڭىننىڭ كٶشٸرمەسٸن الىپ, پوچتا ارقىلى سٸزگە جٸبەرەم. ۋحاندا وقىعان, قىتاي تٸلٸنٸڭ بٸلگٸرٸسٸز عوي, ٶز كٶزٸڭٸزبەن وقىپ شىعىڭىز!
اۋىت مۇقيبەك,
اقىن.
(facebook-تەگٸ پاراقشاسىنان الىندى)
