جەتٸسۋ وبلىسىندا ماس كٷيٸندە كٶلٸك باسقارعان 25 جاستاعى جٷرگٸزۋشٸ جول اپاتىنا ۇشىراپ, وقيعا ورنىنان كەتٸپ قالعان, دەپ حابارلايدى dalanews.kz.
جول-كٶلٸك وقيعاسى "الماتى – ٶسكەمەن" تاسجولىندا بولعان. كۋەگەرلەردٸڭ سٶزٸنشە, سوقتىعىستان كەيٸن جٷرگٸزۋشٸلەردٸڭ بٸرٸ توقتاماي, وقيعا ورنىنان قاشۋعا ەرەكەتتەنگەن. كەيٸن ول قوناەۆ قالاسىنا قاراي باعىت العان جەرٸنەن توقتاتىلدى.
پوليتسييا كٶلٸك تٸزگٸنٸندە ەسكەلدٸ اۋدانىنىڭ 25 جاستاعى تۇرعىنى بولعانىن انىقتادى. تەرتٸپ ساقشىلارىنىڭ مەلٸمەتٸنشە, ەر ادام جولعا شىعار الدىندا الكوگولدٸك ٸشٸمدٸك ٸشكەن. ول كٶلٸك جٷرگٸزۋ كەزٸندە قاۋٸپسٸز اراقاشىقتىقتى ساقتاماي, ٶزگە اۆتوكٶلٸكپەن سوقتىعىسقان.
تەكسەرۋ بارىسىندا جٷرگٸزۋشٸنٸڭ بۇعان دەيٸن دە جول ەرەجەسٸن بۇزعانى بەلگٸلٸ بولدى. اتاپ ايتقاندا, ول كٶلٸك قۇرالىن باسقارۋ قۇقىعىنان 7 جىل مەرزٸمگە ايىرىلعان.
قازٸر ەر ادام ۇستالىپ, ۋاقىتشا ۇستاۋ يزولياتورىنا قامالدى.
