Jetisý oblysynda mas kúiinde kólik basqarǵan 25 jastaǵy júrgizýshi jol apatyna ushyrap, oqiǵa ornynan ketip qalǵan, dep habarlaidy dalanews.kz.
Jol-kólik oqiǵasy "Almaty – Óskemen" tasjolynda bolǵan. Kýágerlerdiń sózinshe, soqtyǵystan keiin júrgizýshilerdiń biri toqtamai, oqiǵa ornynan qashýǵa árekettengen. Keiin ol Qonaev qalasyna qarai baǵyt alǵan jerinen toqtatyldy.
Politsiia kólik tizgininde Eskeldi aýdanynyń 25 jastaǵy turǵyny bolǵanyn anyqtady. Tártip saqshylarynyń málimetinshe, er adam jolǵa shyǵar aldynda alkogoldik ishimdik ishken. Ol kólik júrgizý kezinde qaýipsiz araqashyqtyqty saqtamai, ózge avtokólikpen soqtyǵysqan.
Tekserý barysynda júrgizýshiniń buǵan deiin de jol erejesin buzǵany belgili boldy. Atap aitqanda, ol kólik quralyn basqarý quqyǵynan 7 jyl merzimge aiyrylǵan.
Qazir er adam ustalyp, ýaqytsha ustaý izoliatoryna qamaldy.
