ماركەتپلەيستەر «قازاقستاندا جاسالعان» تاڭباسى بار تاۋارلاردى ٸلگەرٸلەتۋگە مٸندەتتەلەدٸ, دەپ حابارلايدى dalanews.kz.
«قازاقستاندا جاسالعان» تاڭباسىنا قويىلاتىن تالاپتار ەندٸ تەك ساۋدا جەلٸلەرٸنە عانا ەمەس, ونلاين-پلاتفورمالارعا دا قولدانىلماق. قر ساۋدا جەنە ينتەگراتسييا مينيسترلٸگٸ وتاندىق تاۋارلاردى وفلاين-بٶلشەك ساۋدادا دا, ەلەكتروندى كوممەرتسييادا دا ٸلگەرٸلەتۋ تالاپتارىن كٷشەيتٸپ جاتىر.
ماركەتپلەيستەر ٷشٸن قازاقستاندىق ٶنٸمدەردٸ ٸزدەۋ نەتيجەلەرٸندە باسىم كٶرسەتۋ جەنە «قازاقستاندا جاسالعان» ارنايى بٶلٸمدەرٸن قۇرۋ بويىنشا مٸندەتتٸ تەتٸكتەر ەنگٸزٸلەدٸ. قازٸرگٸ ۋاقىتتا تيٸستٸ زاڭنامالىق تٷزەتۋلەر پاكەتٸ مٷددەلٸ مەملەكەتتٸك ورگاندارمەن كەلٸسۋدەن ٶتۋدە. بۇل تۋرالى قر ساۋدا جەنە ينتەگراتسييا مينيسترٸنٸڭ مٸندەتٸن اتقارۋشى ايجان بيجانوۆا «ساۋدا جەلٸلەرٸندە «قازاقستاندا جاسالعان» ۇلتتىق برەندٸن ٸلگەرٸلەتۋ» تاقىرىبىنداعى دٶڭگەلەك ٷستەلدە مەلٸمدەدٸ.
جاڭا تالاپتار وتاندىق ٶندٸرۋشٸلەردٸ قولداۋعا باعىتتالعان مەملەكەتتٸك ساياساتتىڭ ماڭىزدى بٶلٸگٸنە اينالىپ وتىر. قولدانىستاعى زاڭناماعا سەيكەس, ساۋدا نىساندارىندا قازاقستاندىق تاۋارلاردىڭ ٷلەسٸ كەمٸندە 30 پايىز بولۋى تيٸس. بۇدان بٶلەك, «دامۋ» قورىنىڭ قولداۋ باعدارلامالارى اياسىندا سٶرە كەڭٸستٸگٸنٸڭ تاعى 20 پايىزىنا دەيٸن وتاندىق ٶنٸمگە بٶلٸنۋٸ مٷمكٸن. وسىلايشا, قازاقستاندىق تاۋارلار دٷكەن اسسورتيمەنتٸنٸڭ جارتىسىنا دەيٸن قامتۋعا مٷمكٸندٸك الادى.
«سونىمەن قاتار, تۇتىنۋشىنىڭ وتاندىق ٶنٸمدٸ كٶرۋٸ دە ماڭىزدى. سوندىقتان زاڭناما تەك ساندىق كٶرسەتكٸشتەرگە عانا ەمەس, تاۋاردى ورنالاستىرۋ ساپاسىنا دا تالاپ قويادى. وتاندىق ٶندٸرۋشٸلەردٸڭ ٶنٸمٸ ساتىپ الۋشىنىڭ كٶز دەڭگەيٸندە, قولجەتٸمدٸ جەردە ورنالاسۋى تيٸس. بۇل — «التىن سٶرە». ساتىپ الۋشى ەڭ الدىمەن دەل وسى سٶرەدەگٸ تاۋارعا نازار اۋدارادى. قازاقستاندىق ٶندٸرۋشٸ مۇنداي ورىنعا لايىق دەپ ەسەپتەيمٸن», - دەدٸ ايجان بيجانوۆا.
مۇنداي تەسٸلدەردٸڭ تيٸمدٸلٸگٸن نازارباەۆ ۋنيۆەرسيتەتٸ جانىنداعى ۇلتتىق اناليتيكالىق ورتالىق جٷرگٸزگەن ەكسپەريمەنت نەتيجەلەرٸ دە كٶرسەتتٸ. Magnum ساۋدا جەلٸسٸمەن بٸرلەسٸپ, زەرتتەۋشٸلەر قازاقستاندىق ٸرٸمشٸكتەردٸ ٸلگەرٸلەتۋگە ارنالعان مٸنەز-قۇلىقتىق قۇرالداردى سىناقتان ٶتكٸزدٸ. جوبا مٸنەز-قۇلىق عىلىمى سالاسىنا ماماندانعان بريتاندىق Behavioural Insights Team كومپانيياسىنىڭ ەدٸسنامالىق قولداۋىمەن جٷزەگە اسىرىلدى.
دٷكەندەردە باننەرلەر, سٶرە بٶلگٸشتەرٸ, ستيكەرلەر, سٶرە لەنتالارى جەنە «قازاقستاندا جاسالعان» تاڭباسىنا نازار اۋدارتاتىن اۋديوحابارلامالار قولدانىلدى. ەكسپەريمەنت تٶرت اپتا بويى ناقتى ساتىپ الۋ ورتاسىندا جٷرگٸزٸلدٸ.
نەتيجە حالىقارالىق كٶرسەتكٸشتەردەن جوعارى بولدى. پيلوتتىق دٷكەندەردە قازاقستاندىق ٸرٸمشٸك ساتىلىمى 20 پايىزعا ارتقان. سالىستىرمالى تٷردە العاندا, ەلەمدٸك تەجٸريبەدە مۇنداي مٸنەز-قۇلىقتىق قۇرالداردىڭ ورتاشا ەسەرٸ شامامەن 8 پايىز بولادى.
«بٸز مٸنەز-قۇلىقتىق قۇرالداردى قازاقستاندىق جاعدايدا ٸرٸمشٸك مىسالىندا سىناپ كٶرۋدٸ جٶن كٶردٸك. ٸرٸمشٸك نەگٸزگٸ ازىق-تٷلٸك تاۋارلارىنىڭ قاتارىنا جاتادى, الايدا بۇل سەگمەنتتە يمپورت ٷلەسٸ جوعارى — 47 پايىز. ەكسپەريمەنتتٸڭ نەبەرٸ تٶرت اپتاسىندا پيلوتتىق دٷكەندەردەگٸ قازاقستاندىق ٸرٸمشٸك ساتىلىمى 20 پايىزعا ٶستٸ. بۇل — ٶتە جوعارى كٶرسەتكٸش. ەكسپەريمەنت نەتيجەسٸ قازاقستاندىقتاردىڭ “ەكونوميكالىق پاتريوتيزمگە” دايىن ەكەنٸن كٶرسەتتٸ. ول ٷشٸن تۇتىنۋشىعا دٷكەندە تاڭداۋ جاساۋعا كٶمەكتەسۋ قاجەت, ياعني ٶنٸمدٸ تانىمال ەرٸ كٶزگە كٶرٸنەتٸن ەتۋ كەرەك», - دەدٸ ۇلتتىق اناليتيكالىق ورتالىقتىڭ مەملەكەتتٸك باسقارۋ جەنە مٸنەز-قۇلىقتىق مەملەكەتتٸك ساياسات ورتالىعىنىڭ ديرەكتورى سالتانات دجانەنوۆا.
مينيسترلٸك تالاپتاردىڭ ساقتالۋىنا باقىلاۋدى دا كٷشەيتپەك. زاڭناما تالاپتارىنىڭ بۇزىلۋى تۋرالى شاعىمدار جوسپاردان تىس تەكسەرۋلەر جٷرگٸزۋگە نەگٸز بولا الادى. وتاندىق تاۋارلاردىڭ ساۋدا جەلٸلەرٸنە قولجەتٸمدٸلٸگٸن شەكتەۋ, نۇسقامالاردى ورىنداماۋ جەنە جەتكٸزۋشٸلەرمەن جۇمىس تالاپتارىن بۇزۋ فاكتٸلەرٸ ٷشٸن ايىپپۇل قاراستىرىلعان.
سونىمەن قاتار, ساۋدا جەنە ينتەگراتسييا مينيسترلٸگٸ جاڭا زاڭنامالىق ٶزگەرٸستەر ەزٸرلەپ جاتىر. اتاپ ايتقاندا, «ٶنٸمسٸز دەلدال» ۇعىمىن ەنگٸزۋ, ساۋدا كەدەرگٸلەرٸنە باقىلاۋدى كٷشەيتۋ جەنە بوس ساۋدا ورىندارى بولعان جاعدايدا وتاندىق ٶندٸرۋشٸلەرگە ساۋدا الاڭدارىنا قولجەتٸمدٸلٸك بەرۋدٸ مٸندەتتەۋ جوسپارلانعان.
