ۇلتتىق مەرەكە – رەسپۋبليكا كۇنى قارساڭىندا پرەزيدەنت قاسىم-جومارت توقايەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتى نىعايتۋعا قوسقان ەلەۋلى ۇلەسى مەن بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى. ولاردىڭ قاتارىندا ءبىلىم بەرۋ، دەنساۋلىق ساقتاۋ، مادەنيەت جانە عىلىم قايراتكەرلەرى، ءوندىرىس، بيزنەس سالالارىنىڭ كورنەكتى وكىلدەرى، دەپۋتاتتار، مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى، اسكەري قىزمەتشىلەر، سپورتشىلار جانە ەڭبەك ارداگەرلەرى بار.
«قازاقستاننىڭ ەڭبەك ەرى» اتاعى وتاندىق عىلىمدى دامىتۋداعى ايرىقشا جەتىستىكتەرى، سونداي-اق قوعامدىق قىزمەتتەگى اسا ۇزدىك ەڭبەگى ءۇشىن پرەزيدەنت جانىنداعى قازاقستان رەسپۋبليكاسى ۇلتتىق عىلىم اكادەمياسىنىڭ ۆيسە-پرەزيدەنتى ا.جۇمادىلدايەۆقا، ەلدىڭ الەۋمەتتىك-گۋمانيتارلىق دامۋىنداعى اسا ۇزدىك جەتىستىكتەرى ءۇشىن الماتى قالاسى №4 ارنايى مەكتەپ-ينتەرناتىنىڭ ءمۇعالىمى گ.نۇرپەيىسوۆاعا، ورال قالاسى ا.تايمانوۆ اتىنداعى №34 مەكتەپ-گيمنازياسىنىڭ ءمۇعالىمى ە.ترايسوۆاعا جانە وندىرىستىك قىزمەتتەگى ەرەكشە ەڭبەگى ءۇشىن قاراعاندى وبلىسى «شاحتەرسكوە» جاۋاپكەرشىلىگى شەكتەۋلى سەرىكتەستىگىنىڭ ديرەكتورى گ.پروكوپقا بەرىلدى.
«وتان» وردەنىمەن كارديوحيرۋرگيا جانە ترانسپلانتولوگيا عىلىمي-كلينيكالىق ورتالىعىنىڭ ديرەكتورى س.جوشىبايەۆ پەن كورنەكتى اقىن، مەملەكەتتىك سىيلىقتىڭ لاۋرەاتى ن.ورازالين ماراپاتتالدى.
ءى دارەجەلى «بارىس» وردەنى پارلامەنت ءماجىلىسى ءتوراعاسىنىڭ ورىنباسارى ا.راۋعا، ر.باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ ءارتىسى ن.ونەربايعا، ەڭبەك ارداگەرلەرى ق.جاقىپوۆقا، ءو.وزعانبايەۆقا، ۆ.رەدكوكاشينگە جانە س.شاكىراتقا، الماتى قالاسى «Persona» حالىقارالىق كلينيكالىق رەپرودۋكتولوگيا ورتالىعىنىڭ باسشىسى ۆ.لوكشينگە، ءىى دارەجەلى «بارىس» وردەنى قازاقستاننىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى ن.ونجانوۆقا جانە ەڭبەك ارداگەرى ج.شارىپوۆكە، ءىىى دارەجەلى «بارىس» وردەنى پرەمەر-مينيستردىڭ ورىنباسارى ت.دۇيسەنوۆاعا، شاحماتتان الەم چەمپيونى ب.اساۋبايەۆاعا، قىزىلوردا وبلىسىنىڭ اكىمى ن.نالىبايەۆقا، تاراز قالالىق قوعامدىق كەڭەسىنىڭ ءتوراعاسى س.سەيدازىموۆكە تابىستالدى.
سونىمەن قاتار ءبىر توپ بەلگىلى عالىم، مادەنيەت، ءبىلىم سالاسىنىڭ قايراتكەرلەرى جانە ءوندىرىس وكىلدەرى، مەملەكەتتىك قىزمەتكەرلەر «پاراسات» وردەنىنىڭ يەگەرى اتاندى. ولاردىڭ قاتارىندا الماتى قالاسى «اكۋشەرلىك، گينەكولوگيا جانە پەريناتولوگيا عىلىمي ورتالىعى» اكسيونەرلىك قوعامى ديرەكتورلار كەڭەسىنىڭ ءتوراعاسى ز.امانجولوۆا، قىزىلوردا وبلىسى شيەلى اۋدانىنداعى «ارعىماق» جاۋاپكەرشىلىگى شەكتەۋلى سەرىكتەستىگىنىڭ ديرەكتورى و.ءبايدىلدا، «قازاقستان اۆتورلار قوعامى» رەسپۋبليكالىق قوعامدىق بىرلەستىگىنىڭ باس ديرەكتورى ب.ەسەنالييەۆ، قازاق ۇلتتىق ونەر ۋنيۆەرسيتەتىنىڭ پروفەسسورى ح.قاليلامبەكوۆا، س.سەيفۋللين اتىنداعى قاراعاندى وبلىستىق قازاق دراما تەاترىنىڭ اكتەرى ك.كەمالوۆ، م.اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى ك.ماتىجانوۆ، تۇركىستان وبلىسىنىڭ اكىمى د.ساتىبالدى، «ماعجان» ادەبي-كوركەم جۋرنالىنىڭ باس رەداكتورى ج.سۇلەيمەنوۆ، شىمكەنت قالاسىنىڭ اكىمى ع.سىزدىقبەكوۆ، م.اۋەزوۆ اتىنداعى قازاق ۇلتتىق دراما تەاترىنىڭ اكتريساسى د.تەمىرسۇلتانوۆا بار.
ۇلتارالىق بەيبىتشىلىكتىڭ دامۋىنا سىڭىرگەن ەلەۋلى ەڭبەگى ءۇشىن «ەل بىرلىگى» وردەنىمەن قازاقستان حالقى اسسامبلەياسىنىڭ مۇشەسى س.گەرويەۆ، كۇردتەردىڭ «باربانگ» قاۋىمداستىعىنىڭ ءتوراعاسى ا.الييەۆ، «ميسۆا» قاۋىمداستىعىنىڭ ءتوراعاسى ا.بارون جانە «دينار-ەلەكتروماش» جاۋاپكەرشىلىگى شەكتەۋلى سەرىكتەستىگىنىڭ تەڭ قۇرىلتايشىسى س.ۆيشنياك ماراپاتتالدى.
ەلىمىزدىڭ دامىپ، وركەندەۋىنە ەلەۋلى ەڭبەگى سىڭگەن ءبىر توپ ازامات، سونىڭ ىشىندە الماتى قالاسىنداعى «بالداۋرەن» بالالاردى وڭالتۋ ورتالىعى» كمك ديرەكتورى ش.ابەسوۆ، «استانا» حالىقارالىق قارجى ورتالىعىنىڭ باسقارۋشىسى ر.بەكتۇروۆ، استانا قالالىق جاس كورەرمەندەر تەاترىنىڭ اكتريساسى س.ەسلياموۆا، سكريپكاشى ج.سەركەبايەۆا، قوسشى قالاسىنداعى مەكتەپ-گيمنازيانىڭ ديرەكتورى د.اسقاروۆا «قۇرمەت» وردەنىمەن ماراپاتتالدى.
بۇدان بولەك، ونەركاسىپ، ترانسپورت، قۇرىلىس، اۋىل شارۋاشىلىعى جانە باسقا دا ءوندىرىس سالالارىنىڭ جۇمىسشىلارى مەن ەڭبەككەرلەرى ءىى جانە ءىىى دارەجەلى «ەڭبەك داڭقى» وردەنىن يەلەندى. «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم جانە مادەنيەتتىڭ كورنەكتى وكىلدەرىنە تابىستالدى.
قازاق ادەبيەتىنىڭ كورنەكتى وكىلدەرى، اقىن-جازۋشىلار ت.مەدەتبەك، ۆ.ميحايلوۆ جانە ي.ساپارباي «قازاقستاننىڭ حالىق جازۋشىسى» اتاعىنا يە بولدى. «قازاقستاننىڭ حالىق ءارتىسى» قۇرمەتتى اتاعى ەلىمىزدىڭ كورنەكتى مادەنيەت قايراتكەرلەرى: تەاتر جانە كينو اكتەرلەرى ك.جۇمابەكوۆكە، ل.كادەنگە، و.كورجيەۆاعا، ي.لەبساكقا، ر.ماحپيروۆاعا، گ.شىنتەمىرگە جانە ءا.ىدىرىشيەۆقا، وپەرا انشىلەرى م.مۇحامەد قىزى مەن ج.باسپاقوۆاعا، ديريجەر ا.مۇحيتدينوۆ پەن كۇيشى س.تۇرىسبەككە، سونداي-اق بەلگىلى ءانشى م.ءىلياسوۆاعا بەرىلدى.
سونىمەن قاتار بيىلدان باستاپ قۇرمەتتى اتاقتار قاتارىنا «قازاقستاننىڭ ەڭبەك سىڭىرگەن دارىگەرى» اتاعى قوسىلدى. «ۇلتتىق عىلىمي مەديسينالىق ورتالىعى» اكسيونەرلىك قوعامىنىڭ باس ديرەكتورى ا.بايگەنجين، «ۇلتتىق عىلىمي ونكولوگيا ورتالىعى» جاۋاپكەرشىلىگى شەكتەۋلى سەرىكتەستىگى گەماتولوگيا ورتالىعىنىڭ باسشىسى ۆ.كەمايكين جانە قاراعاندى وبلىستىق كلينيكالىق اۋرۋحاناسىنىڭ دارىگەرى ب.سحاي جاڭا قۇرمەتتى اتاقتىڭ العاشقى يەگەرلەرى اتاندى.
اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋدە، ەلدىڭ ۇلتتىق قاۋىپسىزدىگى مەن قورعانىس قابىلەتىن نىعايتۋ كەزىندە كورسەتكەن ەرلىگى ءۇشىن اسكەري قىزمەتشىلەر مەن قۇقىق قورعاۋ ورگاندارى وكىلدەرىنىڭ ءبىر توبى ءى جانە ءىى دارەجەلى «داڭق» وردەنىمەن، ءىى جانە ءىىى دارەجەلى «ايبىن» وردەنىمەن، «ەرلىگى ءۇشىن» جانە «جاۋىنگەرلىك ەرلىگى ءۇشىن» مەدالدارىمەن ماراپاتتالدى. اتاپ ايتقاندا، سۋعا باتىپ بارا جاتقان ادامدى قۇتقارعانى ءۇشىن ر.قوشقاربايەۆ اتىنداعى ءىىى دارەجەلى «ايبىن» وردەنىمەن ۇلتتىق ۇلاننىڭ «شىعىس» وڭىرلىك قولباسشىلىعىنىڭ اعا جاۋىنگەرى ج.پەرمابەك، «ەرلىگى ءۇشىن» مەدالىمەن پاۆلودار وبلىسى پوليسياسىنىڭ ۋچاسكەلىك اعا ينسپەكتورى ە.قويكەن، اقتوبە قالاسىنىڭ پوليسيا ينسپەكتورى ف.نۇرمانوۆ، تالدىقورعان قالاسىنىڭ پوليسيا ينسپەكتورى س.سەرىكقالي ۇلى، ءجاسوسپىرىمدى ورتتەن قۇتقارعانى ءۇشىن اتىراۋ قالاسى پوليسياسىنىڭ ۋچاسكەلىك ينسپەكتورى د.قورعانبايەۆ ناگرادتالدى.
جالپى بيىلعى مەملەكەتتىك ناگرادالاردى تاعايىنداۋدا قاراپايىم جۇمىسشىلاردىڭ مارتەبەسىن اسىرۋعا، ەڭبەك اۋلەتتەرىنىڭ قوعامداعى ابىروي-بەدەلىن ارتتىرۋعا ايرىقشا ءمان بەرىلدى. ماراپات يەلەرىنىڭ قاتارىندا 450-دەن استام جۇمىسشى، 137 پەداگوگ، 80-نەن اسا عالىم، 100-گە جۋىق قۇتقارۋشى مەن ەرىكتى بار.
ەڭبەك ديناستيالارىن ماراپاتتاۋ ءداستۇرى بيىل دا جالعاسىن تاپتى. بۇل جولى مۇعالىمدەر، وندىرىسشىلەر، تەمىرجولشىلار اۋلەتتەرى قۇرمەتكە بولەندى.
