ق ر اۋىل شارۋاشىلىعى مينيسترلىگى اگروونەركاسىپ كەشەنىندەگى مەملەكەتتىك ينسپەكسيا كوميتەتىنىڭ وقو اۋماقتىق ينسپەكسيا باسشىسى ن.ب.بادىراكوۆ سەمينار-كەڭەسكە قاتىستى.
مەملەكەت باسشىسى ن.ءا.نازاربايەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا قازاقستاننىڭ اگروونەركاسىپ كەشەنىنىڭ بولاشاعى زور ەكەنىن جانە ەكولوگيالىق تازا ونىمدەرگە قاتىستى كوپتەگەن پوزيسيالار بويىنشا ءبىز الەمدە ءىرى اگرارلىق ەكسپورتتىق ءونىم وندىرۋشىلەردىڭ ءبىرى بولا الاتىنىمىزدى ايتقان ەدى. ەلباسى تاپسىرماسىنىڭ ماقتارال اۋدانى بويىنشا ورىنداۋدىڭ بىردەن ءبىر جولى ول اۋدانداعى ەگىستىكتىڭ 70%-ىن الىپ جاتقان ماقتانىڭ ونىمدىلىگىن ەكولوگيالىق تازا جولمەن ارتتىرۋ. سوندىقتان دا، بۇگىنگى وتكەن سەمينار-كەڭەستىڭ ماقساتى – ماقتا ونىمدىلىگىن ەكولوگيالىق تازا جولمەن ءوسىرۋ تەحنولوگياسىن ساقتاۋ، ماقتا ەگىستىگىن زيانكەستەردەن حيميالىق ەمەس بيولوگيالىق قورعاۋ بولىپ تابىلادى.
ماقتارال اۋدانى بويىنشا اعىمداعى جىلى اگروقۇرىلىمداردى اۋىل شارۋاشىلىعى داقىلدارىن وڭدەۋگە قاجەتتى بيواگەنتتەرمەن قامتاماسىز ەتۋ جانە تاراتىلۋىن ۇيىمداستىرۋ، زيانكەستەرمەن كۇرەس جۇمىستارىنىڭ ساپاسىن ارتتىرۋ جونىندە اۋدان اكىمىنىڭ ورىنباسارى ا.ماحانبەتوۆ ءسوز سويلەدى. سونداي-اق، «ماقتا داقىلىنىڭ زيانكەستەرىنە حيميالىق جانە بيولوگيالىق تاسىلمەن كۇرەس» تاقىرىبىندا قازاق وسىمدىك قورعاۋ جانە كارانتين عىلىمي-زەرتتەۋ ينستيتۋتىنىڭ وكىلى ب.كوپجاساروۆ، «قازاقستاندا ماقتا شارۋاشىلىق سالاسىنىڭ بۇگىنگى تاڭدا دامۋ جولدارى» تاقىرىبىندا قازاق ماقتا شارۋاشىلىعى عىلىمي-زەرتتەۋ ينستيتۋتىنىڭ باس ديرەكتورى يبادۋللا ۇمبەتايەۆ باياندادى.
«2013-2016 جىلدار ارالىعىندا ق ر اۋىل شارۋاشىلىعى مينيسترلىگىنىڭ تىكەلەي قولداۋىمەن 2013 جىلى بيواگەنتتەردىڭ جانە بيوپرەپاراتتاردىڭ قۇنىن ارزانداتۋعا العاش رەت 150 ميلليون تەڭگە قارجى ءبولىنىپ، 40 مىڭ گەكتارعا جۋىق ماقتا القابى بيولوگيالىق ادىسپەن وڭدەلدى. ناتيجەسىندە ماقتا ونىمدىلىگى وبلىستا رەكوردتىق كورسەتكىشكە جەتىپ 28 س/گا قۇراسا، ماقتانىڭ ورداسى ماقتارالدا 30س/گا قۇرادى. بۇل بيولوگيالىق تاسىلدەردىڭ ءتيىمدى ەكەنىن كورسەتەدى» - دەيدى ق ر اشم اوك ميك وقو اۋماقتىق ينپەكسيا باسشىسى ن.بادىراكوۆ.
ايتا كەتەيىك، سەمينار-كەڭەسكە اۋماقتىن ينپەكسيا مەن بولجام ورتالىعىنىڭ باسشىلارى مەن ماماندارى، اۋداندىق ءبولىم باسشىلارى مەن ماماندارى، اۋىلدىق وكرۋگ اكىمدەرى، جەر ماماندارى، بيوفابريكا، بيولابوراتوريا مەن اگروقۇرىلىم باسشىلارى قاتىسىپ، ماقتا شارۋاشىلىعىنا قاتىستى كوپتەگەن اقپاراتتارعا قانىق بولدى.
