اۋداندىق ءبىلىم ءبولىمى باسشىسىنىڭ مىندەتىن اتقارۋشى سەرىك تورەبەكوۆ 2016-2017 وقۋ جىلىنىڭ كورسەتكىشتەرى بويىنشا بايانداما جاسادى. "بۇگىنگى تاڭدا ماقتارال اۋداندىق ءبىلىم بولىمىنە قاراستى 124 مەكتەپ جۇمىس ىستەيدى. ونىڭ 121ء-ى جالپى، 3ء-ۋى نەگىزگى ورتا مەكتەپتەر. وسى ءبىلىم وشاقتارىندا 75 مىڭنان استام وقۋشى تاربيەلەنۋدە. سونداي-اق، ساز مەكتەپتەرى، مەكتەپارالىق وقۋ-وندىرىستىك كومبيناتى، بالالار مەن جاسوسپىرىمدەر شىعارماشىلىق ورتالىعىندا 2146 وقۋشى قوسىمشا ءبىلىم الۋدا. 9255 پەداگوگ وقۋ-تاربيە جۇمىستارىن جۇرگىزۋدە" - دەدى س.تورەبەكوۆ.
جالپى، اۋداندىق ءبىلىم ءبولىمىنىڭ مالىمەتى بويىنشا دەرەكتەردى كەلتىرەتىن بولساق، اۋداندا 2007 جىلى 118 مەكتەپتىڭ 50ء-ى (42،4 %) تيپتىك عيماراتتاردا ورنالاسقان بولسا، بۇگىنگى تاڭدا تيپتىك ۇلگىدەگى عيماراتتا ورنالاسقان مەكتەپتەر سانى 97-گە (72،2 %) جەتىپ وتىر. اۋدان اكىمى ع.يسمايلوۆتىڭ تىكەلەي قاداعالاۋىمەن بيىل مەكتەپتەردىڭ قىسقى ماۋسىمعا دايىندىق جۇمىستارى كەڭ اۋقىمدا ءجۇرزىلىپ جاتىر. ماسەلەن، اكىمنىڭ 2017 جىلعى 13 ماۋسىمداعى "كوممۋنالدىق مەنشىك بولىپ تابىلاتىن جالپى ورتا ءبىلىم بەرۋ ۇيىمدارىنىڭ جىلىتۋ قازاندىقتارى مەن جىلۋ جۇيەلەرىن ۋاقىتشا سەنىمگەرلىك باسقارۋعا بەرۋ تۋرالى" №534 قاۋلسى نەگىزىندە بارلىق مەكتەپتە گيدراۆيكالىق سىعىمداۋ جۇرگىزىپ، انىقتالعان اقاۋلاردى قالىپقا كەلتىرۋ جۇمىستارى، اقاۋ انىقتالماعان مەكتەپتەرگە ءتولقۇجات دايىنداۋ جۇمىستارى جاسالعان. مەكتەپتەردىڭ جىلىتۋ قازاندىقتارىن تابيعي گازعا اۋىستىرۋعا جانە توزىعى جەتكەن قازاندىقتاردى اۋىستىرۋعا جەرگىلىكتى بيۋدجەت ەسەبىنەن 186 ملن 662 مىڭ تەڭگە ءبولىندى.
بيىل 11 سىنىپتى بىتىرگەن 4172 وقۋشىنىڭ 2648ء-ى ۇبت-عا قاتىسۋعا ءوتىنىش بەرىپ، ونىڭ 2646-ى قاتىستى. اۋداننىڭ ورتاشا كورسەتكىشى 70،5 بالل بولىپ، وتكەن جىلدان 6،48 بالعا تومەندەگەن. 70 مەكتەپتەن 318 وقۋشى 100 جانە ودان دا كوپ بالل جيناعان. ەڭ جوعارى كورسەتكىشتى 136 باللمەن ب.مومىش ۇلى گيمنازيا مەكتەبىنىڭ وقۋشىسى جاقسىباي ابدۋعاني كورسەتكەن.
جاڭا وقۋ جىلىندا 2،5،7 سىنىپتاردى وقۋلىقتار جانە وقۋ-ادىستەمەلىك كەشەندەرمەن 100% قامتاماسىز ەتۋ ءۇشىن 453 ميلليون 587،1 مىڭ تەڭگە قارجى جوسپارلانعان، جەرگىلىكتى بيۋدجەتتەن وقۋلىقتارعا 280 ميلليون تەڭگە، اۋداندىق ءماسليحاتتىڭ 2017 جىلعى 11 ماۋسىمداعى شەشىمىمەن قوسىمشا 40 ميلليون تەڭگە، جالپى 320 ميلليون تەڭگە قارجى قارالدى.
ماقتارال اۋدانىندا 2016-2017 وقۋ جىلىندا 1-4 سىنىپتى بىتىرگەن 28 775 وقۋشىنىڭ 75%-ى مەكتەپ جانىنداعى لاگەرلەرگە جىبەرىلسە، 1-10 سىنىپتان 280 وقۋشى "تولاعاي"، "ەركەجن" بالالار جازعى ساۋىقتىرۋ لاگەرلەرىندە جازعى دەمالىسپەن قامتىلدى. بۇدان باسقا، وقۋ جىلىندا 374 وقۋشى "تاۋ سامالى" وقۋ-ساۋىقتىرۋ ورتالىعىنا، 2 وقۋشى كوكشەتاۋداعى "بالداۋرەن" ساۋىقتىرۋ ورتالىعىنا دەمالىسقا جىبەرىلگەن.
اۋداندىق ءبىلىم ءبولىمى باسشىسىنىڭ مىندەتىن اتقارۋشى س.تورەبەكوۆتىڭ بايانداماسىنان سوڭ ءسوز جارىسقا شىققان ب.مومىش ۇلى مەكتەپ گيمنازياسىنىڭ ديرەكتورى ءو.قوزىباق ءوزىنىڭ جەتىستىككە جەتۋ تاجىريبەسىمەن ءبولىستى. گيمنازيا بيىل دا وبلىستا كوش باستاپ، 40 التىن بەلگى، 17 ۇزدىك اتتەستاتتى شىعارىپ وتىر. شاكىرتتەرىنىڭ بارلىعى دەرلىك مەملەكەتتىك گرانت يەگەرى اتاندى. سونداي-اق، وبلىستىق ءبىلىم باسقارماسىنىڭ ادىستەمەلىك كابينەتىنىڭ باسشىسى ن.قالييەۆا ءسوز جارىسقا شىعىپ، بيىلعى وقۋ جىلىنداعى ءبىلىم سالاسىنداعى وزگەرىستەر تۋرالى اۋدان مۇعالىمدەرىن حاباردار ەتتى.
جيىندى قورىتىندىلاعان اۋدان اكىمى ع.يسمايلوۆ: "ءبىلىم بەرۋ سالاسى - ەل دامۋىنداعى ەڭ ماڭىزدى سالالاردىڭ ءبىرى. ويتكەنى، كەلەشەك مامان، بولاشاق ەل باسقاراتىن ازاماتتار - ەڭ العاشقى ءبىلىمىن مەكتەپ قابىرعاسىندا ءجۇرىپ الادى. بيىلعى جىلدىڭ وزىندە ماقتارال اۋدانىندا 3 مەكتەپ پايدالانۋعا تاپسىرىلادى، تاعى قۇرىلىسى ءجۇرىپ جاتقان 5 مەكتەپ كەلەسى وقۋ جىلىندا ىسكە قوسىلادى. مەكتەپتەردىڭ ماتەريالدىق-تەحنيكالىق جابدىقتالۋىنا 2017 جىلى 450 ميلليون تەڭگە قارجى، ونىڭ ىشىندە پارتاعا 84 ميلليون، مۋلتيمەديا كابينەتىنە - 163 ميلليون، روبوتوتەحنيكاعا - 115 ميلليون تەڭگە ءبولىنىپ وتىر. بۇدان باسقا جىلىتۋ ماۋسىمىنا، وقۋلىقتارعا قانشاما قارجى قارالۋدا. ەندەشە، بارشا ۇستازدارعا جاڭا وقۋ جىلىن جاڭا قادامدارمەن، جاسامپازدىقپەن باستاي بەرۋىنە تىلەكتەستىگىمدى بىلدىرەمىن!" - دەدى.
كونفەرەنسيانىڭ سوڭىندا بەلسەندى مەكتەپ ديرەكتورلارى مەن ۇستازدار قاۋىمى اۋدان اكىمىنىڭ، وبلىستىق ءبىلىم باسقارماسى باسشىسىنىڭ اتىنان العىس حاتتار مەن ماداقتامالار الدى. تامىز كەڭەسىنەن شابىت العان ماقتارالدىق ءبىلىم سالاسىنىڭ قىزمەتكەرلەرى وسىلايشا جاڭا وقۋ جىلىنا ۇلكەن قارقىنمەن قادام جاسادى.
ماقتارال اۋدانى اكىمىنىڭ باسپا ءسوز قىزمەتى
