اۋداننىڭ «قۇرمەتتى ازاماتى» ەرەجەپ قانايەۆتىڭ باستاماسىمەن اۋىل حالقى 1،6 ميلليون تەڭگەدەن استام قارجى جيناپ، قولداعى قاراجاتقا 1 100-گە جۋىق نىعىزدالعان ءشوپ (پرەسس) ساتىپ الىنعان. سونداي-اق، اۋىلدىڭ 30-دان استام جىگىتتەرى سارىاعاش اۋدانىنداعى قۇرمەت تالاپقازى باستاعان ەرىكتىلەر توبىنا قوسىلعان. جاقسىلىققا جانى قۇمار جانداردىڭ ايتۋىنشا، قيىن ساتتە بىر-بىرىمىزگە قولداۋ كورسەتۋ — ازاماتتىق پارىز.
ماقتالى وڭىردە ورىن العان سۋ تاسقىنى كەزىندە زارداپ شەككەن ازاماتتارعا رەسپۋبليكانىڭ تۇكىر-تۇكپىرىنەن كومەك كورسەتىلگەنى ەل ەسىندە. سوندىقتان جەرلەستەرىنىڭ ىستىق ىقىلاسىنا بولەنگەن ورگەباس اۋىلىنىڭ تۇرعىندارى سىن ساعاتتا ءاربىر قازاقستاندىققا قولداۋ كورسەتۋگە ءازىر.
ماسەلەن، اۋدان تۇرعىندارى بۇعان دەيىن دە قاتتى داۋىلدان جاپا شەككەن وتىرار اۋدانىنا 1 ميلليون تەڭگەدەن استام قارجىلاي كومەك كورسەتكەن.
