استانادا وتكەن جەر كوميسسياسىنىڭ وتىرىسىندا زاڭگەر، «الاش جولى» قوزعالىسى جەتەكشىلەرىنىڭ ءبىرى ماقسات ءىلياس ۇلى وسىنداي ۇسىنىس جاسادى، ، - دەپ حابارلايدى Qamshy.kz.

زاڭگەر ءسوزىن جەر رەفورماسى جونىدەگى كوميسسيانىڭ قۇقىقتىق مارتەبەسىنەن باستادى.

«كوميسسيانىڭ زاڭدىق-قۇقىقتىق مارتەبەسى انىقتالعان جوق. اقىرعى شەشىمى قالاي بولاتىنىن، ول قانداي جولمەن قابىلداناتىنىن بىلمەيمىز. كوميسسيا داۋ تۋعىزعان زاڭنىڭ وزگەرۋىنە ىقپال ەتە مە؟ ءبىز پارلامەنت جانىنداعى جۇمىس كوميسسياسىنا مۇشە بولا الامىز با دەگەن كوپتەگەن سۇراقتار بار.

وسىعان وراي، «الاش جولى» قوزعالىسى اتىنان ءبىرقاتار ۇسىنىستارىمىز بار. جەر داۋىنىڭ باسى 5 ينستيتۋسيونالدى رەفورمادان باستالدى. سوعان ساي، جەر كودەكسىنە تولىقتىرۋلار ەندى. سول رەفورمانى جۇزەگە اسىرۋ جونىندەگى كوميسسيانىڭ ءتوراعاسى بولىپ پرەمەر-مينيستر بەكىتىلدى. مىنا جەر رەفورماسى جونىندەگى كوميسسيا دا پرەمەر-مينيستردىڭ وكىمىمەن قۇرىلىپ وتىر. بۇل ءوز كەزەگىندە كوميسسيانىڭ جۇمىسىنىڭ تيىمدىلىگىنە كەپىلدىك بەرە المايدى. ويتكەنى، ۇكىمەت جەر ساتۋ جونىندەگى ءوز ۇستانىمىنان قايتادى دەپ ويلامايمىز. «الاش جولى» جەردىڭ شەتەلدىكتەرگە دە، ەل ازاماتتارىنا دا جالعا بەرۋگە، قازاقستاندىقتارعا ساتۋعا قارسى»، - دەگەن زاڭگەر كوميسسيا جۇمىسى بارىسىندا باسقا دا ءبىرقاتار زاڭدارعا وزگەرىس ەنگىزۋ ماسەلەسىن كوتەرۋ كەرەكتىگىن ايتتى.

«جەر كودەكسىنە، «نەكە جانە وتباسى» كودەكسىنە، كوشى-قون تۋرالى، تاعى باسقا زاڭدارعا وزگەرىس ەنگىزۋ قاجەت. ونداي جۇمىس اتقارۋ ءۇشىن بۇل جەر رەفورماسى جونىندەگى كوميسسيا پارلامەنت جانىنان قۇرىلۋ كەرەك»، - دەيدى ماقسات ءىلياس ۇلى.

ول سونداي-اق، كوميسسيا قۇرامىنا  جارىلقاپ قالىباي، قۇرمانعازى راحمەتوۆ، جاسارال ءقۋانىشالين، ءۋاليحان قايسار، ت.ب. ازاماتتاردى قوسۋ تۋرالى ۇسىنىس ايتىپ، «ەۋرازيا» ارناسى باستاعان ءبىرقاتار اقپارات قۇرالدارى جەر تاعدىرىنا الاڭداعان حالىقتى كەلەمەجدەدى دەپ ايىپتادى. سونىمەن قاتار، م. ءىلياس ۇلى وسى ۋاقىتقا دەيىن وتكەن ميتينگتەرگە قاتىسقان ازاماتتاردى قۋدالاۋدى توقتاتۋدى دا تالاپ ەتتى.