اسكەري كەڭەس وتىرىسىن اشقان وڭىرلىك قولباسشىلىق قولباسشى گەنەرال-مايور ق.اقتانوۆ الدىمەن ۇلتتىق ۇلان مەن ونىڭ وڭىردەگى قۇرامالارىنا مەملەكەت تاراپىنان جۇكتەلگەن مىندەتتەمەلەردىڭ ماڭىزدىلىعىنا توقتالدى. سونداي-اق، جىل باسىندا ۇلتتىق ۇلان باس قولباسشىلىعىندا وتكەن القا جينالىسىندا اسكەري ۆەدومستونىڭ جۇمىسىن جەتىلدىرۋ بويىنشا ءىىم مەن ۇلتتىق ۇلان باس قولباسشىلىعى تاراپىنان قويىلعان ناقتى تاپسىرمالاردى ساپالى ورىنداۋ كۇن تارتىبىندەگى وزەكتى ماسەلە بولىپ سانالاتىندىعىن اتاپ ايتتى. جانە دە بۇل جۇمىستاردىڭ بارلىعى دا قىسقا مەرزىم ارالىعى مەن قاراجاتتى قاتاڭ ەكونوميكالىق ۇنەمدەۋ ارقىلى جۇزەگە اسۋى ءتيىس ەكەنىنە باسا نازار اۋداردى. وسى ورايدا قولباسشى ەل بيۋدجەتىنەن بولىنگەن ءاربىر تەڭگە جوسپارلانعان ءىس-شارالار ءۇشىن ۇتىمدى ءارى ءتيىمدى پايدالانىلىپ، قانداي دا بولسىن ءراسۋالىققا جول بەرمەۋ قاجەت دەپ اتاپ ءوتتى.
ءوز كەزەگىندە، ۇلتتىق ۇلان باس قولباسشىسىنىڭ ورىنباسارى گەنەرال-مايور م.ساتوۆ اسكەر قۇرامى ەلوردا تورىندە وتەتىن ۇلكەن جۇمىس اتقارىپ وتىرعاندىعىنا، ەحرو-2017 حالىقارالىق كورمەسى كەزىندە وزگە ىشكى ىستەر ورگاندارىمەن قاناتتاسا وتىرىپ، قاۋىپسىزدىك شارالارىن قامتاماسىز ەتەتىپ جاتقاندىعىنا توقتالدى. وسى ەلىمىز ءۇشىن ءبىر جاعىنان ابىرويلى دا، ءبىر جاعىنان سىندارلى ساتتە، سىرتتان كوپتەپ كەلىپ جاتقان تۋريستەر قاۋىمىنىڭ الدىندا قىزمەتتى قاياۋ تۇسىرمەي اتقارۋ قاتارداعى جاۋىنگەردەن باستاپ، گەنەرالدارعا دەيىن زور سىن دەپ اتاپ ءوتتى.
مۇنان سوڭ جيىندا وڭىرلىك قولباسشىلىق جەكە قۇرامىنىڭ جارتىجىلدىق قىزمەتتىك-جاۋىنگەرلىك ىس-ارەكەتى جايلى قولباسشىلىقتىڭ باس شتابىنىڭ باستىعى گەنەرال-مايور اندرەي قاسكەلەنوۆ، سونداي-اق اسكەري ءتارتىپ، تەحنيكا جايى، تىل قىزمەتىنىڭ جاي-كۇيى جايلى قولباسشىسىنىڭ ورىنباسارلارى پولكوۆنيكتەر س.سۇلەيمەنوۆ، ن.كوپەيەۆ، ا.جۋكوۆ بايانداما جاسادى.
القالى جيىن سوڭىندا ناقتى تاپسىرمالار بەرىلىپ، قىزمەتتىڭ جەتىستىكتەرى ايتىلىپ، ولقى تۇستارى سىنالدى. الداعى مەرزىمگە باعىتتالعان جۇمىس جوسپارلارى پىسىقتالدى. سوڭىنان جارتى جىل بويىندا قىزمەتىن ۇلگىلى اتقارىپ، جوعارى ناتيجەلەرى كورسەتكەن قىزمەتكەرلەرگە العىس جاريالانىپ، قۇرمەت كورسەتىلدى. سونداي-اق، قىزمەتتىڭ بارلىق جاعى بويىنشا العا شىعىپ، ەل ءۇشىن ەكپىندى ەڭبەك ۇلگىسىن كورسەتە العان اسكەري بولىمدەر – شىمكەنت قالاسىنداعى 6506 اسكەري ءبولىمى – ءبىرىنشى، تالدىقورعانداعى 5514 اسكەري ءبولىمى – ەكىنشى، الماتىداعى 5571 اسكەري ءبولىمى – ءۇشىنشى ورىنعا يە بولدى.
مايور ارمان اۋباكىروۆ،
الماتى قالاسى
