ماڭعىستاۋداعى سەنەكتىڭ قۇمى تابيعي ەرەكشە قاسيەتىمەن ەلىمىزگە تانىمال. وسى قۇمداعى «ساۋىسقان»، «تۇيە سۋ» اتتى سۋ كوزدەرى ارقىلى اۋىل تۇرعىندارىنا تازا سۋمەن قامتاماسىز ەتىپ كەلەدى.
جەكە كاسىپكەر داريعا قۇرمانتاي اۋلاسىنان بۇرقىراپ شىعىپ جاتقان سەنەك قۇمىنىڭ سۋىن زەرتحاناعا تاپسىرىپ، حيميالىق قۇرامى مەن مينەرالدىق قاسيەتىن تەكسەرۋدەن وتكىزەدى. ناتيجەسىندە سەنەك قۇمىنىڭ سۋى ادام اعزاسىنا پايدالى مينەرالدارعا باي ەكەنىن ماماندار انىقتاپ بەرىپتى.
وسىدان كەيىن كاسىپكەر سەنەك سۋىن شىعارىپ، تۇرعىندارعا ۇسىنۋدى باستاعان. بۇگىندە ماڭعىستۋلىق كاسىپكەر پلاستيكالىق بوتەلكەلەردى ۇرلەيتىن جانە جۇمىس بارىسىندا قولدانىلاتىن قۇرىلعىلاردى شەتەلدەن الدىرىپ، قىزۋ جۇمىس ىستەۋدە.
– قازىرگى ۋاقىتتا جاڭاوزەن قالاسىنداعى مەكەمەلەردىڭ كەڭسەلەرىنەن تاپسىرىس الىپ، جەتكىزىپ بەرۋدەمىز. الداعى ۋاقىتتا كاسىبىمدى كەڭەيتىپ، باسقا دا اۋداندار مەن قالالارعا سەەكتىڭ مينەرالدى سۋىن ساتىلىمعا شىعارۋعا كۇش سالىپ جاتىرمىز، – دەيدى كاسىپكەر داريعا قۇرمانتاي.
