جيىنعا ق ر ەكولوگيا مينيسترلىگى بالىق شارۋاشىلىعى كوميتەتىنىڭ اكۆاوسىرۋدى دامىتۋ باسقارماسىنىڭ باسشىسى ميراس عابباسوۆ، اتىراۋ، قاراعاندى، تۇركىستان، الماتى، ماڭعىستاۋ وبلىستارىنىڭ كاسىپكەرلەرى، اۋدان اكىمدەرى، مەملەكەتتىك ورگانداردىڭ باسشىلارى قاتىستى.
ءوز كەزەگىندە شاراعا قاتىسۋشىلار بالىق شارۋاشىلىعىنىڭ ەكونوميكاداعى ماڭىزدى سالالاردىڭ ءبىرى بولىپ تابىلاتىنىن، ەكونوميكالىق ءوسىم مەن حالىقتى جۇمىسپەن قامتۋدىڭ نەگىزى ەكەنىن اتاپ ءوتتى.
مامانداردىڭ ايتۋىنشا، بالىق شارۋاشىلىعىن ودان ءارى دامىتۋ ءۇشىن ۇلكەن مۇمكىندىكتەر بار. دەسە دە، بۇل پروسەسكە كەدەرگى كەلتىرىپ وتىرعان ءبىرقاتار ماسەلەلەر بار ەكەنى ءمالىم بولدى. ايتالىق، كاسىپكەرلەر بالىق ساقتايتىن ارنايى مۇزداتقىش قويمالاردىڭ جوقتىعىن، سونداي-اق بىلىكتى مامانداردىڭ تاپشىلىعىن دا قول بايلاۋ بولىپ وتىرعانىن جەتكىزدى.
– كادر جەتىسپەۋشىلىگىنەن بولەك، ەلىمىزدە وندىرىلەتىن بالىق جەمىنىڭ جاعدايىن دا تالقىلاۋىمىز كەرەك. وكىنىشكە وراي، ساپاسى تومەن بولعاندىقتان، ءبىز جەمدى شەتەلدەن ساتىپ الۋعا ءماجبۇرمىز. بۇل تۇپكىلىكتى ءونىمنىڭ وزىندىك قۇنىنا اسەر ەتەدى، – دەيدى كاسىپكەر تۇرسىنگۇل جاقىپوۆا.
ەكولوگيا مينيسترلىگى بالىق شارۋاشىلىعى كوميتەتىنىڭ اكۆاوسىرۋدى دامىتۋ باسقارماسىنىڭ باسشىسى ميراس عابباسوۆتىڭ ايتۋىنشا، قازىرگى بالىق شارۋاشىلىعىن دامىتۋ باعدارلاماسى ەلىمىزدە بالىق ءوندىرۋ مەن تۇتىنۋدى ارتتىرۋعا ءتيىس.
– بالىق شارۋاشىلىعىن جۇرگىزۋ ءۇشىن كەلەسىمشارتتى جاساۋ مەرزىمى 49 جىلعا وزگەرتىلدى، وسىلايشا بيزنەسكە ۇزاق مەرزىمدى جوسپارلاردى ىسكە اسىرۋعا مۇمكىندىك جاسالماق، – دەدى. ونىڭ ايتۋىنشا، وسىعان دەيىن كەلىسىمشارتتار مەرزىمى 5 جىلدان 49 جىلعا دەيىنگى ارالىقتا بولعان.
ايماق باسشىسى نۇرلان نوعايەۆ ءوڭىرارالىق تاجىريبە الماسۋدا ءار ءوڭىردىڭ ەرەكشەلىگىن ەسكەرۋ كەرەكتىگىن اتاپ ءوتتى. تالقىلاۋ بارىسىندا ساراپشىلار بۇكىل ەل بويىنشا بالىق شارۋاشىلىعىن دامىتۋعا مۇمكىندىك بەرەتىن ورتاق شەشىمگە كەلە الۋى كەرەك.
– مەملەكەت باسشىسى قاسىم-جومارت توقايەۆ 2022 جىلعى قاراشادا ماڭعىستاۋ وبلىسىنىڭ تۇرعىندارىمەن كەزدەسۋىندە وڭىردەگى بالىق شارۋاشىلىعىنىڭ الەۋەتى جوعارى ەكەنىن اتاپ ءوتتى. وتكەن جىلدىڭ ءساۋىر ايىندا ۇكىمەت بالىق شارۋاشىلىعىن دامىتۋ باعدارلاماسىن قابىلداپ، وبلىستا 2030 جىلعا دەيىن وسىرىلەتىن بالىق كولەمىن 100 مىڭ تونناعا ارتتىرۋ جوسپارلانۋدا. قاجەتتى قۇزىرەتتەرى، ءبىلىمى، بالىق اۋلاۋ، ءوسىرۋ جانە قايتا وڭدەۋ بويىنشا تاجىريبەسى بار شارۋاشىلىق جۇرگىزۋ سۋبەكتىلەرمەن بايلانىس جانە تاجىريبە الماسۋ بالىق ونەركاسىبىنىڭ دامۋىنا وڭ اسەر ەتۋى ءتيىس. كەزدەسۋدىڭ ناتيجەسى بولۋى دا كەرەك، – دەدى نۇرلان نوعايەۆ.
وتىرىس ناتيجەسىندە جينالعاندار ءبىرقاتار ۇسىنىستاردى ورتاعا سالدى. ەندى ماڭعىستاۋدا بالىق شارۋاشىلىعىن دامىتۋدىڭ ارنايى باعدارلاماسى ازىرلەنبەك.
ايتا كەتەيىك، بۇگىندە ماڭعىستاۋدا 2030 جىلعا دەيىن بالىق ءوسىرۋ كولەمىن ۇلعايتۋ ءۇشىن 218 ميلليارد تەڭگەنىڭ سەگىز جوباسىن جۇزەگە اسىرۋ جوسپارلانعان.
