22 قازان كٷنٸ سامارقاند قالاسىندا ٶتكەن قازاقستان مەن ٶزبەكستان ٷكٸمەتتەرٸنٸڭ بٸرلەسكەن ٶڭٸرارالىق فورۋمىندا ماڭعىستاۋ وبلىسىنىڭ ەكٸمٸ نۇردەۋلەت قيلىباي ماڭعىستاۋ وبلىسى مەن ٶزبەكستاننىڭ ەكونوميكالىق, ساۋدا-ساتتىق بايلانىستارىن كەڭەيتۋگە قاتىستى بٸرقاتار ۇسىنىس بٸلدٸردٸ, دەپ حابارلايدى Dalanews.kz.
بٷگٸندە ماڭعىستاۋ مەن ٶزبەكستاندى بايلانىستىراتىن اۆتوجول سالىنىپ جاتىر. قازاقستان اۋماعىندا "تەجەن" كەدەن بەكەتٸنە دەيٸن جول تٶسەلۋدە. ال كٷنٸ كەشە قاراقالپاقستان ورتالىعىنان ەل شەكاراسىنا دەيٸن جاڭا اۆتوجول پايدالانۋعا بەرٸلدٸ. بۇل الداعى ۋاقىتتا ماڭعىستاۋ وبلىسى مەن ٶزبەكستان اراسىنداعى تاۋار اينالىمىنىڭ ارتۋىنا مٷمكٸندٸك بەرەدٸ.
نۇردەۋلەت قيلىبايدىڭ ايتۋىنشا, ماڭعىستاۋ ٶڭٸرٸنٸڭ كٶتەرمە بازارلارىنا ازىق-تٷلٸك ٶنٸمدەرٸنٸڭ, كٶكٶنٸستەردٸڭ, جەمٸستەردٸڭ باسىم بٶلٸگٸ ٶزبەكستان رەسپۋبليكاسىنىڭ بۇحارا, سامارقاند, نٶكٸس, سىردارييا ەگٸستٸكتەرٸنەن ەكەلٸنەدٸ. "تەجەن" كەدەن بەكەتٸ ارقىلى كٷنٸنە 250-300-گە جۋىق جٷك كٶلٸگٸ ٶتەدٸ, ونىڭ ٸشٸندە ورتا ەسەپپەن ماڭعىستاۋ وبلىسىنا 25-30 جٷك كٶلٸگٸ جٶنەلتٸلەدٸ. بۇل شامامەن 11 مىڭ توننا تاۋار.
"بٸزدٸڭ دەلەگاتسييا قۇرامىندا ەلدەگٸ ەڭ ٸرٸ كٶتەرمە تاراتۋ ورتالىقتارىنىڭ بٸرٸ - "اقتاۋ ورتس" جشس-نٸڭ قۇرىلتايشىسى بار. قازٸرگٸ ۋاقىتتا ولار قاجەتتٸ ساۋدا الاڭىن ۇسىنۋعا تولىق دايىن جەنە ٶزبەكستاندىق كەسٸپكەرلەر تاراپىنان ناقتى قادامدار كٷتەدٸ. بٸز ول جەردە "ٶزبەكستاندا جاسالعان" ساۋدا الاڭىن اشىپ, اۋىل شارۋاشىلىعى جەرمەڭكەلەرٸن ۇيىمداستىرۋعا دايىنبىز",- دەدٸ نۇردەۋلەت قيلىباي.
سونداي-اق, ٶڭٸرارالىق فورۋمدا ماڭعىستاۋ وبلىسىنىڭ ەكٸمٸ ەكٸ ەل اراسىنداعى ساۋدا-ساتتىق بايلانىستارىن ودان ەرٸ ارتتىرۋ ماقساتىندا شەكارالاس ايماقتا "قورعاس" ساۋدا كەشەنٸ ٷلگٸسٸندە ارنايى باجسىز ساۋدا ايماعىن قۇرۋدى ۇسىندى. ساۋدا-ەكونوميكالىق ايماقتىڭ اشىلۋى ماڭعىستاۋ وبلىسى مەن ٶزبەكستان رەسپۋبليكاسى اراسىنداعى تاۋار اينالىمىن 4 ەسەگە ارتتىرۋعا مٷمكٸندٸك بەرەدٸ.
سونىمەن قاتار جيىندا تۋريزم, اۋىلشارۋاشىلىعى سالاسىنداعى ىنتىماقتاستىق تۋرالى دا سٶز بولدى. مەسەلەن, ٶزبەكستان رەسپۋبليكاسىنىڭ تۋروپەراتورلارى ٷشٸن ماڭعىستاۋ وبلىسىنداعى تاريحي-مەدەني جەنە تۋريستٸك ورىنداردى قامتيتىن دايىن تۋرپاكەتتەر ەزٸرلەنٸپ, 2025 جىلى جۇمىسىن باستاۋعا دايىن ەكەندٸگٸ دە ايتىلدى.
"ماڭعىستاۋ وبلىسىن دامىتۋداعى باسىم باعىتتاردىڭ بٸرٸ – اۋىل شارۋاشىلىعى بولعاندىقتان ٶڭٸردە جىلىجاي شارۋاشىلىعىن بٸرلەسٸپ دامىتۋدى ۇسىنامىز. بٸز سۋ, تىڭايتقىشتارعا كەتكەن شىعىنداردىڭ بٸر بٶلٸگٸن سۋبسيدييالاۋعا, قاجەتتٸ ينفراقۇرىلىممەن قامتاماسىز ەتۋگە, تٶمەن پايىزدىق مٶلشەرلەمەمەن جەڭٸلدەتٸلگەن نەسيەلەر مەن قولايلى جەر تەلٸمدەرٸن بەرۋگە دايىنبىز" ,-دەپ اتاپ ٶتتٸ نۇردەۋلەت قيلىباي.
فورۋمدا ايماق باسشىسى ٶزبەكستانمەن, سونىڭ ٸشٸندە قاراقالپاقستان رەسپۋبليكاسىمەن ەكٸجاقتى ىنتىماقتاستىقتى نىعايتۋعا, ەكونوميكالىق بايلانىستاردى كەڭەيتۋگە باعىتتالعان بارلىق باستامالاردى قولداۋعا دايىن ەكەنٸن اتاپ ٶتتٸ.
جيىن سوڭىندا ماڭعىستاۋ وبلىسى ەكٸمدٸگٸ مەن قاراقالپاقستان رەسپۋبليكاسى اراسىندا, بەينەۋ جەنە حودجەيلٸ اۋداندارى اراسىندا ىنتىماقتاستىق تۋرالى كەلٸسٸمگە قول قويىلدى. تاعى بٸر سەتتٸ كەلٸسٸم ٶزبەكستاننىڭ "Nukus dilisha" جشس مەن بەينەۋ ەكٸمدٸگٸ جەنە "اقتاۋ ورتس" جشس-نٸڭ اراسىندا جاسالدى. ٶزبەكستاندىق كەسٸپكەرلەر اقتاۋ قالاسى مەن بەينەۋ اۋدانىندا ٸرٸ ساۋدا الاڭدارىن سالاتىن بولدى.
ايتا كەتەيٸك, ماڭعىستاۋ وبلىسىندا ٶزبەكستاننىڭ قاتىسۋىمەن 140 كەسٸپورىن تٸركەلگەن. ەكٸ ٶڭٸردٸڭ سىرتقى ساۋدا اينالىمى 2023 جىلدىڭ قورىتىندىسى بويىنشا 13,2 ميلليون اقش دوللارىن قۇرادى.
جالپى تاۋار اينالىمىنان ٶزبەكستان رەسپۋبليكاسىنان كەلەتٸن يمپورتتىڭ ٷلەسٸ شامامەن 25% قۇراپ وتىر.
