ۇكىمەت وتىرىسىندا ماڭعىستاۋ وبلىسىنىڭ اكىمى نۇرداۋلەت قيلىباي جۇمىسشى ماماندىقتارى جىلىن وتكىزۋ جونىندەگى ءىس-شارالار جوسپارى بەكىتىلگەنىن جانە وڭىرلىك شتاب ءوز جۇمىسىنا كىرىسكەنىن مالىمدەدى،- دەپ حابارلايدى Dalanews.kz.
2025–2026 جىلدارى وقۋ-زەرتحانالىق كورپۋسىن اشۋ، جاڭا يدەيالار حاكاتونىن، حالىقارالىق «DostiSkills-2025» سالالىق چەمپيوناتىن، حالىقارالىق سالالىق اككرەديتتەۋدى وتكىزۋ جوسپارلانىپ وتىر. سونداي-اق ءىت hub جانە جۇمىس بەرۋشىلەردىڭ قولداۋىمەن قۇزىرەتتەر ورتالىعىن اشۋ، بيزنەستىڭ ناقتى سۇرانىستارى بويىنشا نىسانالى ءبىلىم بەرۋ تاپسىرىسىن ۇلعايتۋ جانە ءوڭىر كوللەدجدەرىندە جاڭا ماماندىقتار اشۋ قاراستىرىلعان. اتاپ ايتقاندا، ن. بەكبوسىنوۆ اتىنداعى ماڭعىستاۋ ەنەرگەتيكالىق كوللەدجى «سۋمەن جابدىقتاۋ جانە سۋ بۇرۋ جۇيەلەرىنىڭ تازارتۋ قۇرىلىستارىن پايدالانۋ»، و. تۇرماعامبەت ۇلى اتىنداعى ماڭعىستاۋ يندۋستريالىق-تەحنيكالىق كوللەدجى «گيدروگەولوگيا جانە ينجەنەرلىك گەولوگيا» ماماندىعى بويىنشا كادر دايارلايدى.
قازىرگى ۋاقىتتا كوللەدجدەردىڭ ءبىلىم بەرۋ باعدارلامالارى جاڭا ماماندىقتار اتلاسىنىڭ وزەكتى تالاپتارىنا ساي بولۋ ءۇشىن جاڭارتىلۋدا.
«وڭىردە 2022 جىلى ەڭبەك نارىعىنا ساي جاڭا ماماندىقتار اشۋ، جۇمىسپەن قامتۋدىڭ تۇراقتىلىعىن قامتاماسىز ەتۋ ماقساتىندا “جاڭا ماماندىقتاردىڭ اتلاسى” ىسكە اسىرىلىپ، سۇرانىسقا يە ءبىلىم بەرۋ، تۋريزم، مۇناي-گاز سالاسىنداعى ماماندىقتار ايقىندالدى. نىسانالى قارجىلاندىرۋ شەڭبەرىندە ەسەنوۆ اتىنداعى ۋنيۆەرسيتەت جوعارى وقۋ گرانتى نەگىزىندە بىلتىر جانە بيىلعى جىلدارعا ماڭعىستاۋ وبلىسىنىڭ جاڭا كاسىپتەر مەن قۇزىرەتتىلىكتەر اتلاسى جۇمىستارى جالعاستىرىلۋدا. وسى جىلعا قۇرىلىس، ەنەرگەتيكا، لوگيستيكا سالالارىنا باسىمدىق بەرىلىپ وتىر. قازىرگى تاڭدا وسى اتلاسقا سايكەس تەحنيكالىق جانە كاسىپتىك ءبىلىم ۇيىمدارىنىڭ ءبىلىم بەرۋ باعدارلامالارى بويىنشا ميكروبىلىكتىلىكتەردى جاڭارتۋ جۇمىستارى جۇرگىزىلۋدە. كوللەدجدەردە سالاعا بەيىندەۋ جۇمىستارى كەزەڭ-كەزەڭىمەن جۇرگىزىلۋدە. بىلىكتى مامانداردى دايارلاۋ 89 ماماندىقتىڭ 129 بىلىكتىلىگى بويىنشا وقىتىلۋدا. 2024-2025 وقۋ جىلىنا 65 ماماندىقتىڭ 92 بىلىكتىلىگى بويىنشا 5615 ورىنعا، بۇل 90%-ى مەملەكەتتىك ءبىلىم بەرۋ گرانتى ءبولىندى. ونىڭ ىشىندە 70 جۇمىس بەرۋشى مەن كوللەدج اراسىندا كەلىسىم-شارت نەگىزىندە ناقتى سۇرانىسىنا سايكەس مەملەكەتتىك ءبىلىم بەرۋ گرانتىنا 580 ستۋدەنت قابىلداندى. ول ءبىزدىڭ وڭىردەگى “كازكور-ترانسسەرۆيس”، “وزەنسپەسستروي”، “قازازوت” سەكىلدى ءىرى-ىرى مەكەمەلەر»، — دەپ اتاپ ءوتتى ماڭعىستاۋ وبلىسىنىڭ اكىمى نۇرداۋلەت قيلىباي.
كوللەدجدەردىڭ ماتەريالدىق-تەحنيكالىق بازاسىن جاقسارتۋ ءۇشىن 2025 جىلعا قاراي ماڭعىستاۋ يندۋستريالدى-تەحنيكالىق كوللەدجىندە ەمحانانىڭ بۇرىنعى عيماراتىن وقۋ-زەرتحانالىق كورپۋسقا قايتا جوسپارلاۋ جۇرگىزىلۋدە، بەينەۋ اۋدانىنداعى ەكى كوللەدج ءۇشىن جاڭا عيماراتتى جوبالاۋ دايىندالۋدا.
