1 قىركٷيەك – بٸلٸم كٷنٸ قارساڭىندا ماڭعىستاۋ وبلىسىندا بەس جاڭا مەكتەپ اشىلدى. ونىڭ تٶرتەۋٸ مەملەكەت باسشىسى قاسىم-جومارت توقاەۆتىڭ باستاماسىمەن جٷزەگە اسىرىلعان «كەلەشەك مەكتەپ» ۇلتتىق جوباسى اياسىندا سالىنسا, بٸرەۋٸ دەمەۋشٸلەردٸڭ قولداۋىمەن بوي كٶتەردٸ,- دەپ حابارلايدى Dalanews.kz
جاڭا بٸلٸم نىساندارىنىڭ بٸرٸ – بەينەۋ اۋدانى سام اۋىلىنداعى 300 ورىندىق مەكتەپ. اشىلۋ رەسٸمٸنە وبلىس ەكٸمٸ نۇردەۋلەت قيلىباي, ارداگەرلەر, ۇستازدار مەن اۋىل تۇرعىندارى قاتىستى.
سالتاناتتى جيىندا وبلىس ەكٸمٸ جينالعانداردى بٸلٸم كٷنٸمەن قۇتتىقتاپ, جاڭا مەكتەپتەردٸڭ ٶڭٸر ٷشٸن ماڭىزدىلىعىن اتاپ ٶتتٸ.
- مەملەكەت باسشىسى بٸلٸم سالاسىن دامىتۋعا ەرقاشان ايرىقشا كٶڭٸل بٶلەدٸ. بٷگٸن پايدالانۋعا بەرٸلٸپ وتىرعان جاڭا مەكتەپتەر – وسى قامقورلىقتىڭ ناقتى نەتيجەسٸ. پرەزيدەنتتٸڭ تاپسىرماسىمەن سالىنعان زاماناۋي بٸلٸم وردالارى شالعايدا جاتقان اۋىلدارعا دا جەتٸپ, بالالاردىڭ ساپالى بٸلٸم الۋىنا مٷمكٸندٸك بەرٸپ وتىر. بۇل بٸلٸم ورداسىندا شەكٸرتتەردٸڭ جان-جاقتى دامۋىنا, مۇعالٸمدەردٸڭ شىعارماشىلىقپەن ەڭبەك ەتۋٸنە بارلىق جاعداي جاسالعان. وسى شاڭىراقتان تٷلەپ ۇشاتىن تٷلەكتەر ەلٸمٸزدٸڭ دامۋىنا ٷلەس قوساتىن بٸلٸمدٸ دە وتانشىل ازامات بولادى دەپ سەنەمٸن. بارشاڭىزدى بٸلٸم كٷنٸمەن قۇتتىقتايمىن, جاڭا وقۋ جىلى سەتتٸ ەرٸ تابىستى بولسىن, – دەدٸ نۇردەۋلەت قيلىباي.
سام اۋىلىنداعى مەكتەپتە قازٸرگٸ تاڭدا 151 وقۋشى بٸلٸم الۋدا, 40 پەداگوگ ەڭبەك ەتەدٸ. مەكتەپتە 27 وقۋ كابينەتٸ, 18 قوسىمشا بٶلمە, حيمييا, بيولوگييا, ينفورماتيكا, روبوتوتەحنيكا, STEM, ٶنەر جەنە مۋزىكا سىنىپتارى قاراستىرىلعان. سونىمەن قاتار لوگوپەد پەن پسيحولوگ كابينەتتەرٸ, سپورت جەنە اكت زالى, اسحانا, كٸتاپحانا, شەبەرحانا, مەديتسينالىق بٶلمە مەن مۇراجاي بار.
بۇدان بٶلەك, جاڭا وقۋ جىلى قارساڭىندا اقتاۋ قالاسىنىڭ «راۋان» شاعىن اۋدانىندا – 300 ورىندىق, مۇنايلى اۋدانىنىڭ باتىر اۋىلىنداعى «سامال» شاعىن اۋدانىندا – 1200 ورىندىق, بەينەۋ اۋىلىندا – 600 ورىندىق جەنە تٷپقاراعان اۋدانىنىڭ سايىن-شاپاعاتوۆ اۋىلىندا دەمەۋشٸلەردٸڭ قولداۋىمەن 1200 ورىندىق مەكتەپ اشىلدى. بۇل نىسانداردىڭ ٸسكە قوسىلۋى مۇنايلى مەن تٷپقاراعان اۋداندارىندا ٷش اۋىسىمدى وقىتۋدى تولىقتاي جويىلىپ, بەينەۋ اۋدانىنداعى بٸر اپاتتى مەكتەپتٸڭ مەسەلەسٸن شەشٸپ وتىر.
جالپى, جاڭا وقۋ جىلىندا ماڭعىستاۋ وبلىسىندا 157 مەكتەپ جۇمىسىن باستادى. ٶڭٸردە 213 مىڭنان استام وقۋشى بٸلٸم الۋدا, ولاردىڭ 19 مىڭى العاش رەت مەكتەپ تابالدىرىعىن اتتادى. سونىمەن قاتار وقۋ جىلىنىڭ العاشقى توقسانىندا تاعى بەس جاڭا مەكتەپ پايدالانۋعا بەرٸلمەك.
