مامانداردىڭ ايتۋىنشا، جۇمىس بارىسىندا قازاندىقتىڭ وڭ جاق تۇزدى بولىگىندەگى زاقىمدالعان 5 ەكراندىق قۇبىر اۋىستىرىلدى. بۇعان دەيىن سول جاق تۇزدى بولىگىندە 12 قۇبىر اۋىستىرىلعان بولاتىن.
بارلىق مونتاجداۋ جۇمىستارى اياقتالعاننان كەيىن كاسىپورىن قىزمەتكەرلەرى دانەكەرلەنگەن قۇبىرلار مەتالدارىن باقىلاۋدان وتكىزىپ، گيدراۆليكالىق سىناقتار جۇرگىزىلدى.
قۋات بلوگى 17 تامىزدا ساعات 17:30-دا ەنگىزىلگەن. ماەك قىزمەتكەرلەرى اپاتتى تەز ارادا جويۋ ءۇشىن تاۋلىك بويى ۇزدىكسىز جۇمىس جۇرگىزدى. ەنەرگيا بلوگىن جوندەۋ جوسپارلانعان مەرزىمنەن بۇرىن اياقتالدى.
قازىرگى ۋاقىتتا ەنەرگيا بلوگىنىڭ جۇمىسى سىنالۋدا، حالىق پەن ونەركاسىپتىك كاسىپورىنداردىڭ كوپشىلىگى ءۇشىن “ءتيىمدى" ەلەكتر قۋاتىن ءوشىرۋ رەجيمى الىنىپ تاستالدى.
ماەك ماماندارى بارلىق ۋاكىلەتتى مەملەكەتتىك ورگاندارمەن جانە كوممۋنالدىق قىزمەتتەرمەن تۇراقتى كونسۋلتاسيالار جۇرگىزەدى.
