ق ر ۇكىمەتىنىڭ باسشىسى وڭىرلىك شتابتار جۇمىسىن تەكسەرىپ، "كوكتەم-1"، "كوكتەم-2" ىقشام اۋداندارىنداعى تۇرعىن ۇيلەردىڭ، مەكتەپ، بالاباقشا، تەمىر جول ۆوكزالى عيماراتتارىنىڭ، قالالىق اۋرۋحانانىڭ قالپىنا كەلتىرىلۋ قارقىنىن كوردى.
سونىمەن قاتار مامين حالىققا قىزمەت كورسەتۋ ورتالىعىنا باردى. ۇكىمەت باسشىعا ارىس قالاسىنىڭ تۇرعىندارىنا 100 مىڭ تەڭگەدەن وتەماقى تولەۋ بويىنشا جۇرگىزىلىپ جاتقان جۇمىستار تۋرالى باياندالدى.
نىسانداردى ارالاپ كورگەن سوڭ ق ر پرەمەر-مينيسترى اسقار ءماميننىڭ توراعالىعىمەن ارىس قالاسىن قالپىنا كەلتىرۋ ماسەلەلەرى جونىندە كەڭەس ءوتتى.
تۇركىستان وبلىسىنىڭ اكىمى ءومىرزاق شوكەيەۆ قالا تۇرعىندارىنا الەۋمەتتىك كومەك كورسەتۋ تۇرعىسىندا 650 از قامتىلعان جانە كوپ بالالى وتباسىلارعا اتاۋلى الەۋمەتتىك كومەك تاعايىندالىپ، تولەم جۇرگىزىلگەنىن حابارلادى.
قورعانىس، ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ، يندۋستريا جانە ينفراقۇرىلىمدىق دامۋ، ىشكى ىستەر، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرىنىڭ باسشىلارى الەۋمەتتىك قولداۋ شارالارى، مەديسينالىق قىزمەتتەر كورسەتۋ، تۇرعىن ۇيلەردى قالپىنا كەلتىرۋ بويىنشا جۇرگىزىلىپ جاتقان جۇمىستار تۋرالى باياندادى.
