مامايدىڭ نە سەبەپتى ۇستالعانى بەلگىلى بولدى

Dalanews 10 اقپ. 2017 07:59 572




سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ حابارلاۋىنشا تانىمال وپپوزيسيالىق جۋرناليست جانبولات ماماي قازاقستانداعى مۇحتار ءابىليازوۆتىڭ سىبايلاسى بولعان. 


بۇل تۋرالى اتالعان ۆەدومستۆونىڭ باسپا ءسوز -قىزمەتى حابارلاپ وتىر. 


"تەرگەۋ بارىسىندا مۇحتار ءابىليازوۆتىڭ قازاقستانداعى جاڭا كومەكشىسى ماماي جانبولات ماماي ۇلى ەكەنى بەلگىلى بولدى. ول بتا بانكتەن جىمقىرىلعان اقشالاي قاراجاتتىڭ ءبىر بولىگىن «ساياسي قالام: تريبۋنا» گازەتى ارقىلى رەسمي قارجىلىق وپەراسيالار جۇرگىزۋ جولىمەن جاسىرىپ قالعان.


ازىرگى كۇنى ۇلتتىق بيۋرو تاراپىنان «بتا بانك» اق ديرەكتورلار كەڭەسىنىڭ بۇرىنعى ءتوراعاسى ءابىليازوۆ جانە ونىڭ اينالاسىنداعى تۇلعالارعا قاتىستى بانكتىڭ اقشالاي قاراجاتىن جىمقىرۋ فاكتىسى بويىنشا قىلمىستىق ءىستى تەرگەۋدى جالعاسۋدا.


مامايعا قاتىستى قىلمىستىق قارجىنى زاڭداستىرۋ فاكتىسىن راستايتىن قارجىلىق جانە وزگە دە قۇجاتتاردىڭ ورنالاسۋى مۇمكىن ورىندارعا ءتىنتۋ جاسالۋدا" دەلىنگەن حابارلامادا. 




جانبولات ماماي 1988 جىلى الماتى قالاسىندا ومىرگە كەلگەن.


2007 جىلى مۇحتار شاحانوۆ اتىنداعى "رۋح مەن ءتىل" كلۋبىنا جەتەكشىلىك ەتتى.


كەيىننەن "جاس الاش" گازەتىندە جۇمىس ىستەدى. "ترۋبينا" گازەتىنىڭ باس رەداكتورى بولدى.


2012 جىلى جاڭاوزەندەگى الەۋمەتتىك ارازدىقتى قوزدىردى دەگەن ايىپ تاعىلىپ، ءۇش اي بويى تەرگەۋ يزولياتورىندا وتىردى. كەيىننەن بوساپ شىقتى.









2013 جىلى الماتىنىڭ اكىمشىلىك سوتى "اشىق الاڭ" (تريبۋنا) گازەتىنە ءۇش اي كولەمىندە جارىق كورۋىنە تىيىم سالىپ، باسىلىمنىڭ يەسىنە 212 مىڭ تەڭگە ايىپپۇل تولەتكىزدى. 



ۇسىنىلعان
سوڭعى جاڭالىقتار