بۇل تۋرالى ازاتتىققا جانبولات مامايدىڭ اناسى مەنيزات توقپاتاەۆا تەلەفون ارقىلى حابارلادى. ونىڭ سٶزٸنە قاراعاندا, بٷگٸن تاڭەرتەڭگٸ ساعات 8:30 شاماسىندا ٶزدەرٸن كوررۋپتسيياعا قارسى ٸس-قيمىل بيۋروسىنان دەپ تانىستىرعان بٸرنەشە ادام ٷيلەرٸنە كەلٸپ ەكٸ جارىم ساعاتتاي تٸنتۋ جٷرگٸزگەن.
- بٷكٸل ٷيگە تٸنتۋ جاساپ, بارلىعىمىزدىڭ كيٸمدەرٸمٸزدٸ, جانبولاتتىڭ بٶلمەسٸن تٷگەل تەكسەرٸپ شىقتى. سوسىن جانبولاتتى الىپ كەتتٸ. ونىمەن بٸرگە قۇجاتتارىن, ۇيالى تەلەفونىن, كٷيەۋٸمنٸڭ پلانشەتٸن, كٶلٸكتٸڭ قۇجاتتارىن الىپ كەتتٸ, - دەدٸ مەنيزات توقپاتاەۆا. ول تٸنتۋدٸڭ نە سەبەپتٸ جاسالعانىن ٶزٸ بٸلمەيتٸنٸن ايتتى.
بٷگٸن "تريبۋنا. ساياسي قالام" باسىلىمىنىڭ رەداكتسيياسىنا دا تٸنتۋ جاسالعانى حابارلاندى. باسىلىم جۋرناليسٸ ينگا يمانباي Facebook-تە باسىلىم رەداكتسيياسىنا تٸنتۋ جٷرگٸزۋگە بٸرنەشە ادامنىڭ كەلگەنٸ تۋرالى حابارلادى. يمانباي جارييالاعان ۆيدەودا رەداكتسيياعا ٶزٸن جەدەل تەرگەۋ توبىنىڭ تەرگەۋشٸسٸ دەپ تانىستىرعان ادامنىڭ كٸرگەنٸ تٷسٸرٸلگەن, تانىستىرۋدان سوڭ ۆيدەو ٷزٸلٸپ كەتەدٸ.
باسىلىمنىڭ اقساي-1 شاعىن اۋدانىندا ورنالاسقان رەداكتسيياسىنا بارعان ازاتتىق تٸلشٸلەرٸ رەداكتسييا ەسٸگٸنە قابىرعامەن بٸرٸكتٸرٸپ "بەكٸتٸلگەن" دەگەن جازۋى بار قاعاز جاپسىرىپ كەتكەنٸن كٶردٸ. قاعازدا "ي.ە.يمانباەۆا, ن.ەلٸپبەك جەنە تەرگەۋشٸ ن.جاقىپبەكوۆ بولدى" دەگەن سٶز بەن بٷگٸنگٸ كٷن جازىلعان. بٸراق قاعازعا مٶر قويىلماعان.
كوررۋپتسيياعا قارسى ٸس-قيمىل ۇلتتىق بيۋروسىنىڭ باسپاسٶز قىزمەتٸ ازاتتىققا جانبولات مامايدىڭ ۇستالعانى تۋرالى ەزٸرگە اقپارات جوعىن ايتتى.
