WorldSkills International حالىقارالىق اسسوسياسياسى مەن قوزعالىسىنىڭ ماقساتى – تەحنيكالىق مامانداردى تاراتۋ، دۇنيەجۇزى بويىنشا كاسىبي دايارلىق، بىلىكتىلىك ستاندارتتارى مەن مارتەبەسىن ارتتىرۋ. بۇگىنگى تاڭدا اسسوسياسيا قۇرامىنا جەر شارى تۇرعىندارىنىڭ 80%-ى جانە 72 مەملەكەت كىرەدى، قازاقستان WorldSkills قوزعالىسىنا 2014 جىلى قابىلداندى.
WorldSkills Kazakhstan ماماندىقتاردىڭ ۇلتتىق چەمپيوناتىندا جەڭىسكە جەتكەن جەڭىمپازدار 2015 جىلدىڭ 11-16 تامىز ارالىعىندا برازيليانىڭ سان-پاولو قالاسىندا وتەتىن ماماندىقتاردىڭ ۇلتتىق چەمپيوناتىنا قاتىساتىن بولادى. قازاقستان رەسپۋبليكاسىنىڭ قۇرامىن قۇرۋ جانە دايارلاۋ ءۇشىن جالپى تەحنيكالىق ماماندىقتار بويىنشا 18-22 جاس ارالىعىنداعى قاتىسۋشىلاردى ايماقتىق جانە ۇلتتىق ىرىكتەۋ وتكىزۋ جوسپارلانۋدا. ايماقتىق ىرىكتەۋ اقپان ايىندا، ال ۇلتتىق چەمپيونات فينالى 2015 جىلدىڭ ءساۋىر ايىندا وتكىزىلەدى.
«كونفەرەنسيا بارىسىندا بۇل چەمپيوناتقا قانداي ماماندىقتار قاتىساتىنى كەڭىرەك ءتۇسىندىرىلىپ، ونىڭ ماقسات-مۇددەسى تالقىعا ءتۇستى. مۇنداعى ەڭ نەگىزگى يدەيا مامان يەلەرىن اسپەتتەپ، ادامداردى كاسىپ يگەرۋگە ۇندەۋ بولىپ وتىر. قوزعالىس ارقىلى ەلىمىزدىڭ جاس ماماندارىن ىنتالاندىرىپ، الەمدىك چەمپيوناتتا ب ا ق سىناۋىنا مۇمكىندىك تۋعىزباقپىز. بۇل تەك ەل قىدىرۋ، جەر كورۋ ەمەس، تاجىريبە الماسۋ، ءوزىنىڭ بىلىكتىلىگىن شىڭداۋ»، – دەيدى ۇيىمداستىرۋشىلار.
