MAMAN IELERI MARAPATTALADY
WorldSkills International halyqaralyq assotsiatsiiasy men qozǵalysynyń maqsaty – tehnikalyq mamandardy taratý, dúniejúzi boiynsha kásibi daiarlyq, biliktilik standarttary men mártebesin arttyrý. Búgingi tańda assotsiatsiia quramyna jer shary turǵyndarynyń 80%-y jáne 72 memleket kiredi, Qazaqstan WorldSkills qozǵalysyna 2014 jyly qabyldandy.
WorldSkills Kazakhstan mamandyqtardyń ulttyq chempionatynda jeńiske jetken jeńimpazdar 2015 jyldyń 11-16 tamyz aralyǵynda Braziliianyń San-Paolo qalasynda ótetin mamandyqtardyń ulttyq chempionatyna qatysatyn bolady. Qazaqstan Respýblikasynyń quramyn qurý jáne daiarlaý úshin jalpy tehnikalyq mamandyqtar boiynsha 18-22 jas aralyǵyndaǵy qatysýshylardy aimaqtyq jáne ulttyq irikteý ótkizý josparlanýda. Aimaqtyq irikteý aqpan aiynda, al ulttyq chempionat finaly 2015 jyldyń sáýir aiynda ótkiziledi.
«Konferentsiia barysynda bul chempionatqa qandai mamandyqtar qatysatyny keńirek túsindirilip, onyń maqsat-múddesi talqyǵa tústi. Mundaǵy eń negizgi ideia maman ielerin áspettep, adamdardy kásip igerýge úndeý bolyp otyr. Qozǵalys arqyly elimizdiń jas mamandaryn yntalandyryp, álemdik chempionatta baq synaýyna múmkindik týǵyzbaqpyz. Bul tek el qydyrý, jer kórý emes, tájiribe almasý, óziniń biliktiligin shyńdaý», – deidi uiymdastyrýshylar.
