Dalanews وسى ساۋالدى بەلگٸلٸ نۇر-مٷبەراك ۋنيۆەرسيتەتٸنٸڭ پرورەكتورى, تەولوگ قايرات قۇرمانباەۆقا تٶتەسٸنەن قويعان بولاتىن.
ساراپشىنىڭ پٸكٸرٸنشە تاپ قازٸر بٸزدٸڭ ەل ٷشٸن دٸني بٸلٸم العىسى كەلەتٸن اۋديتورييانى شەتەلگە جٸبەرۋدٸڭ قاجەتٸ شامالى.
«بۇعان باستى سەبەپ, قازاقستاننىڭ دٸنتانۋ سالاسىنداعى ٶزٸندٸك ورنى قالىپتاستى.
دٸني بٸلٸمنٸڭ ٸرگەسٸ قالانىپ, باعىتى ايقىندالدى. دٸنتانۋ مەن يسلامتانۋدىڭ جٸلٸگٸن شاعىپ, مايىن ٸشكەن وقىتۋشىلار قۇرامى قالىپتاستى. مەسەلەن, الماتى نۇر-مٷبەراك ۋنيۆەرسيتەتٸندە ٷزدٸك وتاندىق, شەتەلدٸك ۇستازدار شوعىرلانعان.
اراب ەلدەرٸنەن, مىسىر, تٷركييادان بٸلٸم العان, كەرەك دەسەڭٸز دٸني دەرەجەسٸ بار وتاندىق عالىمدارىمىزدىڭ دەرلٸگٸ وسى ۋنيۆەرسيتەتتە ساباق بەرەدٸ, دەرٸس وقيدى. تيٸسٸنشە, ولار تەربيەلەپ شىعارعان شەكٸرتتەر دە ەرتەڭگٸ كٷنٸ ەل مٷددەسٸنە جۇمىس ٸستەيدٸ. دٸني راديكاليزمدٸ اۋىزدىقتاۋعا اتسالىسادى. ەلدٸگە دٸني احۋالدىڭ كٷردەلەنٸپ كەتۋٸنە جول بەرمەيدٸ», – دەيدٸ دٸنتانۋشى.
قايرات قۇرمانباەۆتىڭ اتاپ ٶتكەنٸندەي بٷگٸندەرٸ نۇر-مٷبەراك ۋنيۆەرسيتەتٸندە ساۋد ارابيياسىنان كەلگەن 20-عا جۋىق ۇستاز بٸلٸم بەرەدٸ. وسى سەبەپتٸ دٸني بٸلٸم ٸزدەپ الىسقا سابىلۋدىڭ قاجەتٸ جوق.
«ەلبەتتە, بۇل شەتەلشە مٷلدە بارۋعا بولمايدى دەگەن بٸلدٸرمەيدٸ. ەربٸردەن سوڭ, ەربٸر ادامنىڭ تاڭداۋىنا قۇرمەتپەن قاراۋىمىز كەرەك. ەگەر ول دٸني بٸلٸمدٸ شەتەلدەن الۋدى ۇيعارسا, ونىڭ شەشٸمٸنە قارسى كەلمەسٸمٸز تٷسٸنٸكتٸ», – دەيدٸ.
ماماننىڭ ايتۋىنشا دٸني بٸلٸم سالاسىندا قازاقستان يسلام دٸنٸنٸڭ دٸڭگەگٸ سانالاتىن ەلدەرمەن ەرٸپتەستٸك بايلانىس ورناتقان. نۇر-مٷبەراك ۋنيۆەرسيتەتٸ «اكادەمييالىق ۇتقىرلىق» باعدارلاماسى شەڭبەرٸندە اراب, تٷرٸك وقۋ ورىندارىمەن كەلٸسٸمشارت جاساسىپ, دٸني بٸلٸم سالاسىندا تەجٸريبەسٸ الماسۋدى قولعا العان.
«وسى باعدارلاما اياسىندا ۋنيۆەرسيتەت شەكٸرتتەرٸن جارتى جىلعا نەمەسە تولىق بٸر جىلعا كٶرگەن-بٸلگەنٸمەن بٶلٸسۋ ٷشٸن شەتەلدٸك وقۋ ورىندارىنا جٸبەرەمٸز. بۇل تەك ۋنيۆەرسيتەت نۇسقاۋىمەن جٷرگٸزٸلەدٸ.
بۇل اراداعى باستى قاۋٸپ, دٸني ساۋاتى تٶمەن, دٸني كٶزقاراسى قالىپتاسا قويماعان, كەز-كەلگەن اقپاراتتى قورىتپاي قابىلداي بەرەتٸن جاستاردىڭ شەتەلدٸڭ دٸني ورتالىقتارىنا بەيرەسمي جولمەن كەتۋٸمەن جول بەرمەۋ, سەبەبٸ مۇنىڭ سوڭى دٸن سالاسىنداعى الاۋىزدىققا, كەلەڭسٸزدٸككە ۇرىندىرادى. دۇرىس دٸني بٸلٸم الماۋدىڭ اقىرى ەلدٸڭ شاڭىراعىن شايقالتىپ, مەمقاۋٸپسٸزدٸككە قاتەر تٶندٸرۋٸ مٷمكٸن.
بٸز, دٸنتانۋشىلار جاستاردىڭ دٸن نەگٸزدەرٸن وتاندىق ۋنيۆەرسيتەتتٸڭ قابىرعاسىندا قالىپتاستىرعانىن قالايمىز, كەيٸن ۋاقىت ٶتە كەلە, تٶرتٸنشٸ كۋرسقا اياق باسقاندا ولاردى تەجٸريبە الماسۋ ماقساتىندا عانا شەتەلگە جٸبەرۋ دۇرىس شەشٸم بولار ەدٸ», – دەيدٸ دٸنتانۋشى.
ونىڭ ايتۋىنشا, دٸنتانۋ, يسلامتانۋ نەگٸزدەرٸن ٷيرەتەدٸ دەگەن بٸرقاتار اراب ەلدەرٸندە دٸني, ساياسي تۇراقسىزدىق ورىن الۋدا. ال مۇنداي ەلدەردەن بٸلٸم العان قازاق جاستارى ەرتەڭگٸ كٷنٸ ەلدەگٸ دٸني الاۋىزدىققا سەبەپشٸ بولماسىنا ەشكٸم كەپٸلدٸك بەرمەيدٸ.
«شەتەلدەن دٸني بٸلٸم العىسى كەلەتٸن ازاماتتار دٸني باسقارمانىڭ جولداماسىمەن, رەسمي تەلٸم الاتىن بولسا, ەلبەتتە بۇل قۇپتارلىق نەرسە», – دەيدٸ مامان.
