بقو-دا پوليسەيلەر ءوزىن جابىرلەنۋشىلەردىڭ بالاسى رەتىندە كورسەتىپ، الاياقتىقپەن اينالىسقان توپتى ۇستادى. قىلمىستىق توپ ءۇش جىگىتتەن قۇرالعان، – دەپ حابارلايدى Dalanews.kz ءىىم باسپا ءسوز قىزمەتىنە سىلتەپ.

قاراتوبە پوليسيا ءبولىمىنىڭ قىزمەتكەرلەرى كۇدىكتىلەردىڭ ءبىرى WhatsApp قوسىمشاسى ارقىلى پەداگوگتەردىڭ ءىس-شاراسىن وتكىزۋ ءۇشىن قۇرىلعان جالپى چاتقا كىرگەنىن انىقتادى.

چاتتىڭ مازمۇنى مەن حاتتاردى زەرتتەگەننەن كەيىن ول ونداعى ادامداردان اقشا اۋدارۋدى سۇراپ، جەكەلەرىنە شىققان. بۇل رەتتە كۇدىكتى جابىرلەنۋشىلەرگە ءوزىن سولاردىڭ بالاسى سياقتى تانىستىرىپ، ءوزىنىڭ تەلەفونى ءسونىپ قالعانىن جەتكىزگەن.

كۇدىكتىلەردىڭ سوزىنە سەنىپ جابىرلەنۋشىلەر كارتا دەرەكتەرى مەن CVV-كودتارىن جىبەرگەن. سودان كەيىن الاياقتار قاراجاتتى قولما-قول اقشاعا الماستىرعان.

ءقازىر الاياقتىقتىڭ 17 فاكتىسى بويىنشا پوليسيا تەرگەۋ جۇرگىزىپ جاتىر.

"الدانعاندار اراسىندا باسقا ءوڭىردىڭ تۇرعىندارى دا بار ەكەنى انىقتالدى. كەلتىرىلگەن زالالدىڭ جالپى سوماسى شامامەن 10 ميلليون تەڭگەنى قۇرايدى"، - دەپ جازىلعان حابارلامادا.

پوليسيا ازاماتتاردان بوگدە ادامدارمەن تەلەفونمەن سويلەسۋ كەزىندە عانا ەمەس، جالپى چاتتاردا حات الماسۋ كەزىندە دە اباي بولۋدى سۇرايدى.