بٷگٸن قازاقستان رەسپۋبليكاسى پرەزيدەنتٸنٸڭ كەڭەسشٸسٸ مەلٸك وتارباەۆ اباي ۋنيۆەرسيتەتٸنٸڭ بەلسەندٸ ستۋدەنتتەرٸمەن كەزدەستٸ. ونىڭ باستى ماقساتى – مەملەكەت باسشىسى قاسىم-جومارت توقاەۆتىڭ «جاساندى ينتەللەكت دەۋٸرٸندەگٸ قازاقستان: ٶزەكتٸ مەسەلەلەر جەنە ونى تٷبەگەيلٸ تسيفرلىق ٶزگەرٸستەر ارقىلى شەشۋ» اتتى قازاقستان حالقىنا جولداۋىندا كٶتەرٸلگەن مەسەلەلەردٸ تٷسٸندٸرۋ جەنە ونداعى ايتىلعان ايقىن باعدارلاردى ناسيحاتتاۋ. جىلى جٷزدەسۋ بارىسىندا ەمەن-جارقىن ەڭگٸمە بولدى, دەپ حابارلايدى Dalanews.kz.
پرەزيدەنت كەڭەسشٸسٸ جولداۋ بويىنشا جىلدىڭ اياعىنا دەيٸن قازاقستان جوعارى وقۋ ورىندارىن تٷگەل دەرلٸك ارالىپ شىقپاق. جوو ستۋدەنتتەرٸمەن ەڭ بٸرٸنشٸ كەزدەسۋدٸ ەلٸمٸزدەگٸ تۇڭعىش ۋنيۆەرسيتەتتەن باستاۋىنىڭ ٶزٸندە سيمۆوليكالىق مەن بار. ٶيتكەنٸ, ۇلتىمىزدىڭ ۇلى تۇلعالارى باستاۋىندا تۇرعان اباي ۋنيۆەرسيتەتٸ 1928 جىلى ەڭ العاشقى اشىلعان جوعارى وقۋ ورىنى. سونىمەن قاتار, ورتالىق ازييا مەن قازاقستانداعى پەداگوگيكالىق باعىتتاعى كٶشباسشى ۋنيۆەرسيتەت. قاسيەتتٸ قارا شاڭىراقتان تٷلەپ ۇشقان تٷلەكتەر پەداگوگ رەتٸندە ەرتەڭگٸ كٷنٸ مەملەكەتتٸڭ ٸرگەتاسىن نىعايتۋدا ماڭىزدى رٶل اتقارادى.
«مەن دە ستۋدەنت بولعانمىن. ال وسىنداي قۇندىلىعى جوعارى اباي ۋنيۆەرسيتەتٸنٸڭ ستۋدەنتٸ بولۋ – سٸزدەر ٷشٸن ٷلكەن مەرتەبە»,- دەدٸ مەلٸك نۇرجانۇلى.
جولداۋدىڭ جاستار ٷشٸن اسا كٶپ مٷمكٸندٸك بەرەتٸن تەتٸكتەرٸ تۋرالى بايانداعان م.وتارباەۆ قاسىم-جومارت كەمەلۇلىنىڭ «مەن الدىمىزعا ٶتە ماڭىزدى ستراتەگييالىق ماقسات قويدىم. قازاقستان ٷش جىل ٸشٸندە مٸندەتتٸ تٷردە جاپپاي تسيفرلىق ەل بولۋى كەرەك. بٸز جاپپاي تسيفرلاندىرۋ جەنە جاساندى ينتەللەكت تەحنولوگيياسىن بارىنشا ەنگٸزۋ ارقىلى ەكونوميكانى جاڭعىرتۋىمىز قاجەت» دەپ ايتقان سٶزٸنٸڭ استارىندا جاتقان ٷلكەن ستراتەگييالىق قادامدار جاتقانىن ايقىنداپ بەردٸ.
قازٸر قوعامدى جاساندى ينتەللەكت (جي) مەسەلەلەرٸنە بايلانىستى تالاي-تالاي تولعامدى ويلار ەرٸ-سەرٸ كٷيگە تٷسٸرٸپ جٷرگەنٸ بەلگٸلٸ. ونى پرەزيدەنت كەڭەسشٸسٸ جوققا شىعارىپ, جاساندى زەردە تەك قۇرال بولۋى كەرەك ەكەنٸن ەسكە سالدى. بۇل ٶز كەزەگٸندە ستۋدەنتتەر تاراپىنان زور قىزىعۋشىلىق تۋىنداتتى. ولار بولاشاق پەداگوگ رەتٸندە «جي-مۇعالٸممەن قانداي دا بٸر بەسەكەلەستٸك تۋىنداۋى مٷمكٸن بە?» دەگەن ٶزەكجاردى سۇراقتارىن قويدى. وعان قاتىستى «ەرينە, زاماناۋي پەداگوگتىڭ بٸلٸگٸ جوعارى بولعانى جٶن, بٸراق جي ۇستاز بەرەتٸن ادامي ٸلٸمدٸ ەشقاشان بەرە المايدى» دەگەن جاۋاپ بەرٸلدٸ.
ٶز ساۋالدارىن ەركٸن ەرٸ جان-جاقتى قويعان ستۋدەنتتەر ٶزدەرٸن مازالاعان كٷردەلٸلٸكتەرگە ناقتى-ناقتى مىسالدارمەن جاۋاپ الىپ, پرەزيدەنت كەڭەسشٸسٸ مەلٸك وتارباەۆ پەن اباي اتىنداعى قازۇپۋ باسقارما تٶراعاسى-رەكتور بولات تٸلەپتٸڭ جولداۋ تۋرالى, بٷگٸنگٸ كٷن تەرتٸبٸندەگٸ جاستاردى قىزىقتىراتىن تىڭ تاقىرىپتاردى كٶتەرگەندەرٸنە ريزاشىلىقتارىن بٸلدٸردٸ.
بۇل پٸكٸر الماسۋدان تٷرلٸ ينسايت العان جاستار تاعلىمى مەن تەلٸمٸ مول كەزدەسۋدەن موتيۆاتسييا الىپ شىقتى.
