قازاق كورەرمەنى وتاندىق «مالاي» كومەدياسىن ەكى اپتا قاتارىنان كينوتەاترلاردان ۇزبەي تاماشالاۋدا. ناۋرىز مەرەكەسى كۇندەرى بۇل فيلم ەلدىڭ ءار وڭىرىندەگى كينوزالداردا انشلاگپەن كورسەتىلدءى، دەپ حابارلايدى Dalanews.kz
كارتينانىڭ ءساتتى شىعۋىنا باستى سەبەپ – ۇلتتىق بولمىستى زاماناۋي ءارى بارشاعا تۇسىنىكتى تاقىرىپپەن شەبەر ۇيلەستىرە العانى. قازاقتىڭ اۋەنى، كيىم ۇلگىلەرى مەن ءسالت-داستۇرىن كورەرمەن جىلى قابىلدادى، ال تۋىندىنىڭ جانۇيالىق فورماتتا ۇسىنىلۋى ونى ءتۇرلى بۋىن وكىلدەرىنە جاقىن ەتە ءتۇستى. ءفيلمنىڭ باس پروديۋسەرى بەكسۇلتان قازىبەكتىڭ ايتۋىنشا، كورەرمەن تەك قىزىعۋشىلىق تانىتىپ قانا قويماي، قىزىعۋشىلىعىن ۇدەتە تۇسكەن.
«ءبىز ءۇشىن "مالاي" – جاي عانا "حولوپ" ءفيلمىنىڭ قازاقشا نۇسقاسى ەمەس، ءوز الدىنا جەكە، كورەرمەنگە تانىس ءارى جاقىن كەيىپكەرلەرمەن جاسالعان شىنايى وقيعاعا اينالۋى ماڭىزدى بولدى. قاراپايىم، كۇلكىلى ازىلدەر، اكتەرلەردىڭ سەنىمدى ويىنى مەن اسەرلى مۋزىكا – بارلىعى بىرىگىپ، ەرەكشە اتموسفەرا تۋعىزدى. اسىرەسە، بۇكىل وتباسىمەن كەلىپ كورىپ جاتقان كورەرمەندەردى كورگەندە، ماقساتىمىز ورىندالعانىن سەزەمىز. ءبىز ءدال وسىنداي – جىلى، شىنايى، بارشا بۋىنعا تۇسىنىكتى وتباسىلىق كينو جاساعىمىز كەلگەن ەدى»، – دەيدى پروديۋسەر.
وڭ پىكىر تەك كورەرمەندەردىڭ عانا ەمەس، كاسىبي سىنشىلار تاراپىنان دا ايتىلىپ جاتىر. كينوسىنشىلار «مالايدىڭ» كۇلكى سىيلاۋىمەن قاتار، قوعامداعى وزەكتى ماسەلەنى دە كوتەرىپ وتىرعانىن اتاپ ءوتتى. مۇنداي اسەردى كومەديا مەن الەۋمەتتىك ساتيرانىڭ ۇيلەسىمى تۋعىزعان.
ءفيلمنىڭ سەناريستى ابدۋسايد شايحيسلام ۇلى بىلاي دەپ ءتۇسىندىردى:
«سەناريي جازۋ بارىسىندا ءبىز كومەديانىڭ ىشىنە قوعامىمىزدىڭ شىنايى بولمىسىن ەنگىزۋگە تىرىستىق. بۇل فيلم تەك كوڭىل كوتەرۋ ءۇشىن ەمەس، كورەرمەن ءوزىن تانيتىن، ويعا قالدىراتىن ەلەمەنتتەرىمەن دە ەرەكشەلەنسە دەدىك. قازاق قوعامىنداعى كۇندەلىكتى ءومىردىڭ ءوزى بىزگە باي ماتەريال بولدى. سول شىنايىلىق ارقىلى "مالاي" ءوز كورەرمەندەرىن تاۋىپ وتىر دەپ ويلايمىن».
جاس اكتەرلەر مەن تانىمال بلوگەرلەر ويناعان باستى رولدەردى رەجيسسەر ەرنار نۇرعالييەۆ ۇيلەستىرىپ شىققان. ول «جانىم، تى نە پوۆەريش»، «كەلىنجان»، «جەزدۋحا» سىندى جوبالارىمەن تانىلعان. بۇل جولى كورەرمەن جەڭىس وماروۆ (Zheka Fatbelly)، ايدا قۇرمانعالييەۆا، حاميت ەردەحانوۆ، ەرمەك شىنبولاتوۆ پەن سابينا موۆلايەۆانىڭ ويىنىن كورە الادى. سونىمەن قاتار، تاجىريبەلى اكتەرلەر دۋلىعا اقمولدا، لاۋرا مىرزاحمەتوۆا مەن جانداربەك سادىربايەۆ تا فيلمگە قاتىسقان.
ءفيلمنىڭ تانىمالدىعى تەك كاسسالىق تابىسپەن قانا ەمەس، ءتۇسىرىلىم توبىنا دەگەن ەرەكشە قىزىعۋشىلىقپەن دە كورىنەدى. پرومو-تۋر اياسىندا ءتۇسىرىلىم ۇجىمى ەلىمىزدىڭ بىرنەشە قالاسىن ارالاپ، الماتى، استانا، شىمكەنت، تاراز جانە وسكەمەندە كورەرمەندەرمەن كەزدەستى. ءار قالادا ولاردى جىلى قارسى العان جۇرت اسەرلەرىمەن ءبولىسىپ، اسەرلى ساتتەرىن تالقىلادى. ءتۇسىرىلىم توبى سۇراقتارعا جاۋاپ بەرىپ، ەستەلىك سۋرەتتەرگە ءتۇسىپ، قىزىقتى جايتتاردى اڭگىمەلەدى.
كورەرمەن ىقىلاسى، تولى زالدار مەن جوعارى كاسسالىق كورسەتكىشتەر «مالايدى» ناۋرىزدىڭ ەڭ تانىمال وتباسىلىق فيلمىنە اينالدىردى. Unico كومپانياسى مەن «قازاقفيلم» كينوستۋدياسىنىڭ بىرلەسىپ جاساعان بۇل تۋىندىسى 13 ناۋرىزدان باستاپ ۇلكەن ەكرانداردا كورسەتىلىپ جاتىر. كورىپ ۇلگەرىڭىز!
مالاي
ءفيلمدى ۇسىنعاندار: Unico، قازاقفيلم
ءوندىرىس: JKS Entertainment
سەرىكتەس ستۋديالار: 1ON، Art Dealers
باس پروديۋسەرلەر: انارا جۋنۋسوۆا، بەكسۇلتان قازىبەك، ۆاسيليي كۋسەنكو، يرينا سوسنوۆايا، تەمىرلان اتاۋللا
پروديۋسەرلەر: ازيز ۆەكيموۆ، ولەگ ءدو، تيمۋر شيەۆچەنكو
قويۋشى-رەجيسسەر: ەرنار نۇرعالييەۆ
قويۋشى-وپەراتور: ەركەبۇلان قۋانىشبايەۆ
باستى رولدەردە: جەڭىس وماروۆ، ايدا قۇرمانعالييەۆا، جانداربەك سادىربايەۆ، لاۋرا مىرزاحمەتوۆا، دۋلىعا اقمولدا، حاميت ەردەحانوۆ، مەيرامحان شالقىبەكوۆ، ەرمەك شىنبولاتوۆ، سابينا موۆلايەۆا
سەناريي اۆتورلارى: ابدۋسايد شايحيسلامۋلى، دانيار بەكجانوۆ، ايبەك جولمىرزا
قويۋشى-سۋرەتشىلەر: ايبەك اينابەكوۆ، رۋسلان وسپانوۆ
تۇساۋكەسەر: 13 ناۋرىز 2025
