مەجٸلٸس دەپۋتاتى رينات زايىتوۆ ەلدەگٸ سۋ تاسقىنى مەسەلەسٸن كٶتەرٸپ, ٷكٸمەت باسشىسىنا ساۋال جولدادى, دەپ حابارلايدى Dalanews.kz.
«پەلە-جالا تابان استىندا, ونى ەشكٸم بولجاي المايدى. ەلٸمٸز ٷلكەن سىناقتى باستان كەشٸرٸپ جاتقانىن ٶزٸڭٸز دە بٸلەسٸز. سۋ تاسقىنىنىڭ العاشقى كٷندەرٸنەن باستاپ بٸرنەشە توپقا بٶلٸنگەن دەپۋتاتتار تابيعي اپاتتان زارداپ شەككەن ايماقتارعا اتتاندى. بٸزدٸڭ ماقساتىمىز – بارلىعىن ٶز كٶزٸمٸزبەن كٶرٸپ, جەرگٸلٸكتٸ حالىقپەن كەزدەسٸپ, ولاردىڭ ارىز-شاعىمدارىن تىڭداپ, ٷكٸمەتكە جەتكٸزۋ», – دەدٸ زايىتوۆ.
سونداي-اق ول دەپۋتاتتىڭ ٶتٸنٸشٸ ٶزٸنٸڭ سٶزٸ ەمەس, باسپاناسىنان, بار دٷنيە-مٷلكٸنەن ايىرىلسا دا,ەڭبەكتەگەن جاسىنان - ەڭكەيگەن قاريياسىنا دەيٸن سۋ اعىنىمەن كٷرەسٸپ جاتقان قايسار قازاق حالقىنىڭ سٶزٸ ەكەنٸن ايتتى.
قازٸرگٸ تٶتەنشە جاعداي تابيعي سيپاتتا عانا ەمەس, جۇمىسىنا سالعىرتتىق تانىتقان شەنەۋنٸكتەردٸڭ دە كٸنەسٸ ەكەنٸن جەتكٸزدٸ.
«مەسەلەن, اتىراۋ وبلىسى مەن قۇلسارى قالاسىنىڭ ماڭىندا زاڭسىز سالىنعان سۋ قويمالارى, جەرگٸلٸكتٸ اتقارۋشى ورگانداردىڭ كٶكتەمگٸ سۋ تاسقىنىنا دايىن بولماۋى, سۋ تاسقىنىنان زارداپ شەككەندەردٸڭ ەرەكەتٸن ٷيلەستٸرە الماۋ وسىنداي سالدارعا ەكەلدٸ. تاسقىنعا دابىل قاققان ەرٸپتەستەرٸم د.تۇرعانوۆ, ب.بازاربەك, جىلوي اۋداندىق مەسليحاتىنىڭ دەپۋتاتى س.سەرسەنباەۆتىڭ دەپۋتاتتىق ساۋالدارىنا جەرگٸلٸكتٸ بيلٸك پەن جاۋاپتى مينيسترلٸكتەردٸڭ ۋاقتىلى جاۋاپ بەرمەۋٸ سۋ تاسقىنىنىڭ تاعى بٸر سەبەبٸ دەپ ايتا الامىز», – دەدٸ دەپۋتات.
مۇنداي نەمقۇرايلىلىق پەن جاۋاپسىزدىققا كٸنەلٸ مەملەكەتتٸك ورگانداردىڭ ٶكٸلدەرٸ جاۋاپقا تارتىلماسا, بۇل جالعاسا بەرەدٸ دەپ ەسەپتەيدٸ دەپۋتات.
«سوندىقتان, پرەزيدەنت ايتقانداي, جاۋاپكەرشٸلٸكتەن جالتارىپ, بٸر-بٸرٸنە سٸلتەپ, بەيقامدىق تانىتقان قىزمەتكەرلەر مەن جەرگٸلٸكتٸ ٸرٸ كومپانييالاردىڭ ەرەكەتٸ جازالانۋى كەرەك. ٸس-شارالاردىڭ ناقتى الگوريتمٸ ەزٸرلەنبەگەندٸكتەن, كوميسسييانىڭ قۇرىلۋى مەن قىزمەتٸ تۋرالى تۇرعىندارعا حابارلانباعاندىقتان, سۋ تاسقىنىنان زارداپ شەككەن حالىق ەلٸ كٷنگە دەيٸن شىعىندارىنىڭ قالاي ەسەپتەلەتٸنٸن جەنە ٶتەلەتٸنٸن بٸلمەيدٸ. سوندىقتان كوميسسييانىڭ جۇمىسىن جەڭٸلدەتٸپ, حالىقپەن تٸكەلەي بايلانىس ورناتۋ ٷشٸن ونىڭ قۇرامىنا تۇرعىنداردىڭ قۇرمەتٸنە بٶلەنگەن جەرگٸلٸكتٸ بەلسەندٸ ازاماتتاردى ەنگٸزۋ قاجەت دەپ ەسەپتەيمٸز», - دەدٸ مەجٸلٸسمەن.
ول سۋ تاسقىنىنان زارداپ شەككەندەرگە ۋاقىتشا نەسيە دەمالىسىن ەنگٸزۋدٸ, سونداي-اق سۋ تاسقىنى كەزٸندە باسپاناسىز قالعان ازاماتتاردى باسپانامەن قامتاماسىز ەتۋ جۇمىستارىن جەدەلدەتۋدٸ سۇرادى.
«اباي, قوستاناي وبلىستارىنداعى ٶرت كەزٸندە دە, قازٸرگٸ سۋ تاسقىنى كەزٸندە دە قازاقستان حالقى بٸرلٸگٸ مەن تٶزٸمدٸلٸگٸن كٶرسەتتٸ. دەل وسى تولەرانتتىلىق پەن بٸرلٸكتٸڭ ارقاسىندا بٸز بۇرىنعى بيلٸك ٶكٸلدەرٸ مەن مەملەكەتتٸڭ تۇتاستىعىن بۇزعىسى كەلەتٸندەردٸڭ بارلىق كەدەرگٸلەرٸنە قارسى تۇرامىز. بۇل ٷلكەن ەرلٸك! حالىقتىڭ بارلىق تالاپتارى ٶز دەڭگەيٸندە ورىندالادى دەپ سەنەمٸز», – دەيدٸ رينات زايىتوۆ.
