ءماجىلىس سالىق كودەكسىنىڭ جوباسىن ەكىنشى وقىلىمدا ماقۇلدادى، دەپ حابارلايدى Dalanews.kz.

قۇجات بويىنشا ءماجىلىس وتىرىسىندا جالعىز عانا دەپۋتات – جۇمىس توبىنىڭ جەتەكشىسى بەرىك بەيسەنعالييەۆ ءسوز سويلەدى.

«قارجى جانە بيۋدجەت كوميتەتى سالىق كودەكسى جوباسى مەن وعان قاتىستى "سالىق سالۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن ەكىنشى وقىلىمدا قابىلداپ، سەناتقا جولداۋدى مۇمكىن دەپ سانايدى»، – دەدى بەيسەنعالييەۆ.

ونىڭ بايانداماسىنان كەيىن دەپۋتاتتار بىردەن داۋىس بەرۋگە كىرىستى. ناتيجەسىندە:

سالىق كودەكسىن قابىلداۋعا 88 دەپۋتاتتىڭ 76-سى داۋىس بەردى،
8ء-ى قارسى، 4ء-ى قالىس قالدى؛

زاڭناماعا ەنگىزىلەتىن تۇزەتۋلەر بويىنشا 87 دەپۋتاتتىڭ 76-سى قولدادى،
7ء-ى قارسى، 4ء-ى قالىس قالدى.