كەشە ءماجىلىس وتىرىسىندا اناسىن قۇتتىقتاعان دەپۋتات ارداق نازاروۆ جۇرتتىڭ سىنىنا قالدى. بۇگىن سەنات دالىزىندە بۇل جايتقا سەنات سپيكەرى ماۋلەن اشىمبايەۆ پىكىر ءبىلدىردى، - دەپ حابارلايدى Dalanews.kz.
ول كورشى پالاتاداعى دەپۋتاتتاردىڭ ارەكەتىنە پىكىر ءبىلدىرۋ "دۇرىس ەمەس" ەكەنىن جەتكىزدى. دەسە دە جۋرناليست "سەناتتا مۇنداي جاعدايى بولۋى مۇمكىن بە؟" دەپ سۇرادى.
"سەناتورلاردىڭ ءبىرى اناسىن قاتتى جاقسى كورەتىن بولسا، مۇمكىن. ءبىراق ازىرگە مۇنداي جاعداي بولعان جوق"، - دەپ جاۋاپ بەردى اشىمبايەۆ.
ەسكە سالايىق، كەشە ارداق نازاروۆ اناسىنىڭ 70 جىلدىق مەرەيتويى ەكەنىن ايتىپ،ءسوزىن تىلەكتەن باستادى.
"ءقادىرلى اناشىم، ءسىزدى تۋعان كۇنىڭىزبەن شىن جۇرەكتەن قۇتتىقتايمىن. ءسىزدىڭ مەيىرىمگە تولى جۇرەگىڭىزگە، جۇزىڭىزدەن توگىلگەن نۇرعا شومىلىپ ءوستىم. اناشىم، اكەتايىم ەكەۋىڭىز ماڭگى بىرگە بولىپ، نەمەرەلەرىڭىزدىڭ قىزىعىن كورىڭىزدەر. ءسىزدى قاتتى جاقسى كورەمىن، ءسىزدىڭ الدىڭىزدا باسىمدى يەمىن"، - دەدى ول.
جەلى قولدانۋشىلارى دەپۋتاتتىڭ بۇل ارەكەتىنە نارازىلىق تانىتىپ، "ءماجىلىستى ويىنشىققا اينالدىردىڭدار" دەپ تە سىنادى.
"اناسىن ۇيدە قۇتتىقتتاماي ما؟ ويىنشىق قىلدى ءماجىلىستى"، "زاڭ شىعاراتىن ورىن ەمەس پە؟ تىلەك ايتاتىن جەر ەمەس"، - دەدى ولار.
