ماڭعىستاۋ اتوم ەنەرگەتيكالىق كومبيناتى ٷش جىلعا سالىقتان بوساتىلۋى ىقتيمال. بٷگٸن مەجٸلٸس دەپۋتاتتارى وسىعان قاتىستى زاڭ جوباسىن ماقۇلداپ, سەناتتىڭ قاراۋىنا جولدادى. ەگەر جوعارعى پالاتا قولداسا, كەسٸپورىنعا مەملەكەت بٶلگەن سۋبسيديياعا قاتىستى سالىق جٷكتەمەسٸ الىنىپ تاستالادى, دەپ حابارلايدى Dalanews.kz.
مەجٸلٸس دەپۋتاتى ەدٸل جاڭبىرشيننٸڭ ايتۋىنشا, قازٸرگٸ زاڭناما بويىنشا كوممۋنالدىق كەسٸپورىن العان سۋبسيدييانىڭ 20 پايىزى تابىس سالىعى رەتٸندە قايتادان مەملەكەتكە قايتارىلۋى تيٸس. ٶتكەن جىلى ماەك رەسپۋبليكالىق بيۋدجەتتەن 5 ملرد تەڭگە العان, سونىڭ 1 ملرد تەڭگەسٸن سالىق رەتٸندە ٶتەۋٸ قاجەت بولعان.
«مەملەكەت ٶز كەسٸپورنىنا قارجىلاي قولداۋ كٶرسەتەدٸ, بٸراق ونىڭ 20 پايىزىن سالىق ارقىلى قايتا الادى. سوندىقتان بٶلٸنگەن قاراجات تولىق كٶلەمدە قارىزداردى ٶتەۋگە نەمەسە ٶندٸرٸستٸك كەشەندەردٸ جاڭارتۋعا جۇمسالۋى ٷشٸن بۇل سالىق تٷرٸن الىپ تاستاۋ ۇسىنىلىپ وتىر. سەبەبٸ بۇل – مەملەكەتتٸك مەكەمە, مەملەكەتتٸك اقشا. قاراجات تيٸمدٸ پايدالانىلۋى تيٸس», – دەدٸ مەجٸلٸس دەپۋتاتى ەدٸل جاڭبىرشين.
ماەك-تەگٸ ينفراقۇرىلىم مەسەلەسٸ بٷگٸنگٸ تاڭدا ٶتە كٷردەلٸ. كەي جابدىقتاردىڭ ەبدەن ەسكٸرگەنٸ ايتىلىپ كەلەدٸ. دەپۋتات كەلتٸرگەن دەرەككە سەيكەس, تۋربينالاردىڭ 95 پايىزىنىڭ, ال قازاندىقتاردىڭ 85 پايىزىنىڭ قىزمەت مەرزٸمٸ ٶتكەن. سول سەبەپتٸ كەسٸپورىن تولىق قۋاتتا جۇمىس ٸستەي الماي وتىر. بۇعان قوسا, مەكەمەنٸڭ تەك «قازترانسگازايماق» الدىنداعى بەرەشەگٸ 20 ملرد تەڭگەگە جەتكەن.
ايتا كەتەرلٸگٸ, زاڭ جوباسىندا قاراستىرىلعان جەڭٸلدٸكتەر تەك ماەك-كە عانا قاتىستى, ٶزگە كەسٸپورىندارعا مۇنداي مٷمكٸندٸك بەرٸلمەيدٸ.
«بۇل جەردە مەسەلە تاريفكە بايلانىستى ەمەس. باستى ماقسات — ماەك-تٸڭ قوردالانعان قارىزدارىن جابۋ. تاريف مەسەلەسٸن ەنەرگەتيكا مينيسترلٸگٸ ٶز تەرتٸبٸنە ساي ەسەپتەيدٸ. بٸراق قازٸرگٸ تاريفتەن كەسٸپورىن پايدا كٶرٸپ وتىرعان جوق», – دەدٸ ەدٸل جاڭبىرشين.
