اقتوتى رايىمقۇلوۆا 2016 جىلدىڭ قازان ايىنان باستاپ مادەنيەت جانە سپورت ۆيسە-مينيسترى قىزمەتىن اتقارعان.
بۇگىن ماجىلىستە الەۋمەتتىك-مادەني دامۋ كوميتەتىنىڭ وتىرىسى ءوتىپ، وندا اقتوتى رايىمقۇلوۆانىڭ كانديداتۋراسى قارالعان بولاتىن.
كوميتەت مۇشەلەرى رايىمقۇلوۆاعا ءبىرقاتار سۇراق قويدى. الەۋمەتتىك-مادەني دامۋ كوميتەتى وتىرىسىنىڭ قورىتىندىسى بويىنشا "قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" كونستيتۋسيالىق زاڭنىڭ 22-1-بابىنا سايكەس، پرەمەر-مينيستردىڭ ۇسىنىسىمەن اقتوتى رايىمقۇلوۆانىڭ كانديداتۋراسى مادەنيەت جانە سپورت ءمينيسترى لاۋازىمىنا تاعايىنداۋ ءۇشىن ۇسىنىلدى. وتىرىس سوڭىندا دەپۋتاتتار كانديداتقا الداعى جۇمىسىنا تابىس تىلەدى.
ايتا كەتسەك، ارىستانبەك مۇحامەدي ۇلى ۆەدومستۆونى بەس جىلداي باسقاردى. ول مادەنيەت جانە سپورت ءمينيسترى بولىپ 2014 جىلدىڭ 6 تامىزىندا تاعايىندالعان بولاتىن.
اقتوتى رايىمقۇلوۆا تۋرالى نە بىلەمىز؟
اقتوتى رايىمقۇلوۆا 1964 جىلى الماتى قالاسىندا دۇنيەگە كەلگەن. 1987 جىلى قۇرمانعازى اتىنداعى الماتى مەملەكەتتىك كونسەرۆاتورياسىن "كومپوزيسيا جانە فورتەپيانو" ماماندىعى بويىنشا ءتامامداعان. 2007 جىلى حالىقارالىق بيزنەس اكادەمياسىن مۆا دارەجەسىمەن بىتىرەدى.
رايىمقۇلوۆا ءار جىلدارى قۇرمانعازى اتىنداعى الماتى مەملەكەتتىك كونسەرۆاتورياسىنىڭ كونسەرتمەيستەرى، تاربيە جانە كونسەرت جۇمىسى جونىندەگى پرورەكتورى بولىپ ەڭبەك ەتتى. قازاق قىزدار پەداگوگيكالىق ينستيتۋتىندا وقىتۋشى بولعان.
2013 جىلى ق ر مادەنيەت مينيسترلىگىنىڭ مادەنيەت جانە ونەر ءىسى كوميتەتىنىڭ ءتوراعاسى بولىپ تاعايىندالادى. ءبىر جىلدان كەيىن مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى بولادى. 2016 جىلى قازاندا رايىمقۇلوۆا مادەنيەت جانە سپورت ۆيسە-مينيسترى قىزمەتىنە كەلەدى.
اقتوتى رايىمقۇلوۆا سيمفونيالىق پوەمالار، سپەكتاكل مەن كينوفيلمدەر مۋزىكاسىنىڭ، كوپتەگەن ءاننىڭ اۆتورى.
