Silk Road Electronics — وڭىردەگى تۇرمىستىق تەحنيكا ءوندىرىسىنىڭ كوشباسشىسى. كومپانيا وڭتۇستىككورەيالىق Samsung Electronics كورپوراسياسىمەن بىرگە Silk Road Electronics زاۋىتىندا جاساندى ينتەللەكت فۋنكسيالارى بار كىر جۋعىش ماشينالاردى ءوندىرۋدى جەرگىلىكتەندىرۋ جونىندە ستراتەگيالىق ارىپتەستىك ورناتقانىن جاريالادى، دەپ حابارلايدى Dalanews.kz.
بۇل – جاھاندىق ىنتىماقتاستىق پەن قازاقستاننىڭ ماشينا جاساۋ سالاسىنداعى تەحنولوگيالىق دامۋىنىڭ جاڭا كەزەڭى. Silk Road Electronics بازاسىندا ءوندىرىستىڭ ءاربىر كەزەڭى قاتاڭ باقىلاۋعا الىنعان، Samsung ستاندارتتارىنا تولىق ساي ينتەللەكتۋال كىر جۋعىش ماشينالار شىعارىلادى. ونىمدەر جاھاندىق ەنەرگيا تيىمدىلىگى، سەنىمدىلىك جانە قاۋىپسىزدىك تالاپتارىنا جاۋاپ بەرەدى ءارى يننوۆاسيالىق فۋنكسيالار مەن شەشىمدەردى ۇسىنادى.
Samsung كومپانياسىنىڭ زاماناۋي كىر جۋعىش ماشينالارى — جاي عانا تۇرمىستىق تەحنيكا ەمەس، ۇيدەگى جايلىلىقتىڭ ينتەللەكتۋال ورتالىعى. AI تەحنولوگيالارى نەگىزىندە كەڭەيتىلگەن فۋنكسيالار ارقاسىندا ولار كوپتەگەن تاپسىرمانى پايدالانۋشىنىڭ قاتىسۋىنسىز وزدەرى ورىندايدى جانە ۇيدەگى ءومىردى بارىنشا ىڭعايلى ەتەدى.
"بۇل كەلىسىم – ءبىزدىڭ مۇمكىندىكتەرىمىزگە، كوماندامىزعا جانە دامۋ جولىمىزعا دەگەن سەنىمنىڭ كورىنىسى. Samsung Electronics-پەن بىرگە ءبىز دامۋىمىزدىڭ جاڭا كەزەڭىنە وتەمىز: ءبىز بىرگە بولاشاقتىڭ تەحنولوگيالارىن بۇگىن جاسايمىز"، – دەپ اتاپ ءوتتى Silk Road Electronics كومپانياسىنىڭ ديرەكتورى الەكساندر كريتسكيي.
جاڭا كەلىسىم ەكى كومپانيا اراسىنداعى ءساتتى ارىپتەستىكتىڭ جالعاسى بولدى. 2024 جىلدىڭ جەلتوقسانىندا Silk Road Electronics زاۋىتىندا Samsung تەلەديدارلارىن بىرلەسىپ ءوندىرۋ تۋرالى العاشقى كەلىسىمگە قول قويىلعان بولاتىن. وسىلايشا، Samsung قازاقستانداعى وندىرىستىك قاتىسۋىن دايەكتى تۇردە كەڭەيتىپ، ەلدى تۇرمىستىق تەحنيكا ءوندىرۋ بويىنشا وڭىرلىك حابتاردىڭ بىرىنە اينالدىرىپ جاتىر.
"Silk Road Electronics-پەن ارىپتەستىك قارىم-قاتىناسىمىزدىڭ جاڭا پاراعىن اشادى: Samsung-تىڭ وزىق ازىرلەمەلەرى مەن سەرىكتەسىمىزدىڭ جوعارى تەحنولوگيالىق وندىرىستىك مۇمكىندىكتەرىن بىرىكتىرە وتىرىپ، ءبىز يننوۆاسيالار ەكوجۇيەسىنىڭ قالىپتاسۋىنا جول اشىپ، تۇتىنۋشىلارعا ەڭ جوعارى دەڭگەيدەگى جايلىلىق پەن سەنىمدىلىك ۇسىنامىز"، – دەدى Samsung Electronics كومپانياسىنىڭ تۇرمىستىق تەحنيكا ساتۋ ءبولىمىنىڭ جەتەكشىسى دانيار يبرايەۆ.
ءوندىرىستى ىسكە قوسۋ 2025 جىلدىڭ ەكىنشى جارتىجىلدىعىنا جوسپارلانعان. باستاپقى كەزەڭدە بارلىق ءونىم قازاقستاننىڭ ىشكى نارىعىنا باعىتتالادى. جاقىن ۋاقىتتا ەكسپورت جوسپارلانباعان، الايدا بولاشاقتا شەتەلدىك نارىقتارعا شىعۋ مۇمكىندىگى قاراستىرىلىپ وتىر. بۇل Samsung پەن Silk Road Electronics كومپانيالارىنا حالىقارالىق ارەناداعى ءوز پوزيسيالارىن نىعايتۋعا مۇمكىندىك بەرەدى.
