پرەزيدەنت قاسىم-جومارت توقاەۆتىڭ فرانتسيياعا مەملەكەتتٸك ساپارى قارساڭىندا قر مەدەنيەت جەنە اقپارات مينيسترٸ ايدا بالاەۆا لۋۆر مۋزەيٸنٸڭ پرەزيدەنت-ديرەكتورى لورانس دە كارمەن كەزدەسۋ ٶتكٸزدٸ. كەزدەسۋ مەدەني الماسۋ مەسەلەلەرٸ جەنە قازاقستان مەن فرانتسييا اراسىنداعى پەرسپەكتيۆالى جوبالارعا ارنالدى, – دەپ حابارلايدى Dalanews.kz قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
تاراپتار قازاقستان مۋزەيلەرٸ مەن لۋۆر اراسىندا بٸرلەسكەن سەمينارلار مەن كونفەرەنتسييالار ٶتكٸزۋ ارقىلى تەجٸريبە الماسۋ مٷمكٸندٸگٸن تالقىلادى. ىنتىماقتاستىق كٶرمە قىزمەتٸمەن قاتار, عىلىمي-زەرتتەۋ, ارحەولوگييالىق زەرتتەۋلەر, عىلىمي ماتەريالدار جارييالاۋ جەنە مۋزەي ٸسٸندەگٸ تەجٸريبە الماسۋ باعىتتارىن دا قامتۋى مٷمكٸن.
– بٸزدٸ قازاقستاننىڭ مەدەني مۇراسىن زەرتتەۋ بويىنشا بٸرلەسكەن عىلىمي جۇمىسقا قاتىستى ىنتىماقتاستىق قىزىقتىرادى. قر ۇلتتىق مۋزەيٸنٸڭ جانىنان رەستاۆراتسييا ورتالىعىن اشۋدى جوسپارلاپ وتىرمىز. سوندىقتان لۋۆر مۋزەيٸنٸڭ عىلىمي, كادرلاردى دايارلاۋ, كٶرمەلەر ۇيىمداستىرۋ بويىنشا قولداۋىن العىمىز كەلەدٸ, – دەپ اتاپ ٶتتٸ ايدا بالاەۆا.
– بٸز ىنتىماقتاستىققا, سونىڭ ٸشٸندە كٶرمەلەردٸ بٸرلەسٸپ ۇيىمداستىرۋعا دا دايىنبىز, سەبەبٸ بۇل لۋۆر مۋزەيٸنٸڭ حالىقارالىق ساياساتىنا ساي كەلەدٸ, – دەدٸ كەزدەسۋدە لورانس دە كار.
كەزدەسۋ سوڭىندا ەكٸ تاراپ تا بٸرلەسكەن جوبالار مەن مەدەني الماسۋ قازاقستان مەن فرانتسييا اراسىنداعى ەكٸجاقتى قارىم-قاتىناستى نىعايتىپ, حالىقتار اراسىنداعى ٶزارا تٷسٸنٸستٸكتٸ تەرەڭدەتەتٸنٸنە سەنٸم بٸلدٸردٸ.
