بەلارۋس پرەزيدەنتى الەكساندر لۋكاشەنكو قازاقستانعا كونستيتۋسيانى جاڭارتۋ ىسىندە كومەك كورسەتۋگە دايىن ەكەنىن مالىمدەدى، دەپ حابارلايدى Dalanews.kz.
ول بۇل تۋرالى مينسكىدە ءماجىلىس سپيكەرى ەرلان قوشانوۆپەن كەزدەسۋى بارىسىندا ايتتى.
بەلارۋس باسشىسىنىڭ سوزىنشە، ەلىندە قاجەت بولعان جاعدايدا ىسكە كىرىسە الاتىن جەتكىلىكتى مولشەردە زاڭگەرلەر مەن ماماندار بار. ەگەر مۇنداي كومەك قاجەت بولسا، ولار جۇمىسقا قوسىلۋعا دايىن.
ەسكە سالايىق، قازاقستاننىڭ جاڭا كونستيتۋسياسىنىڭ الدىن الا جوباسى ءبىر اپتا بۇرىن جاريالانعان بولاتىن. نەگىزگى وزگەرىستەردىڭ ءبىرى بيلىكتىڭ ءبىر ادامنىڭ قولىندا شەكسىز شوعىرلانۋىن بولدىرماۋ جانە پارلامەنتتىڭ ءرولىن كۇشەيتۋ. اتا زاڭ جالپىۇلتتىق رەفەرەندۋم ارقىلى قابىلدانۋى ءتيىس.
