بەلارۋس پرەزيدەنتٸ الەكساندر لۋكاشەنكو پحەنيانعا ساپارى بارىسىندا كحدر كٶشباسشىسى كيم چەن ىنعا مىلتىق سىيلادى, دەپ حابارلايدى Dalanews.kz.
كەزدەسۋ بارىسىندا تاراپتار بٸر-بٸرٸنە ۇلتتىق رەمٸزدٸك مەنٸ بار تارتۋلار ۇسىندى. كحدر كٶشباسشىسى كيم چەن ىن بەلارۋس پرەزيدەنتٸنە قىلىش پەن قابىرشاقتارمەن ەشەكەيلەنگەن ەرەكشە ىدىس سىيلاسا, الەكساندر لۋكاشەنكو ەرٸپتەسٸنە كالاشنيكوۆ اۆتوماتى نەگٸزٸندە جاسالعان قارۋ تابىستادى. بۇل تۋرالى پرەزيدەنتتٸڭ باسپاسٶز قىزمەتٸنە جاقىن "پۋل پەرۆوگو" Telegram-ارناسى حابارلادى.
"جاۋ پايدا بولا قالسا, كەرەك بولىپ قالار", - دەپ ەزٸل-شىنى ارالاس پٸكٸر بٸلدٸردٸ لۋكاشەنكو.
سونىمەن قاتار بەلارۋس باسشىسى كيم چەن ىننىڭ قارۋ قولدانۋداعى شەبەرلٸگٸنە دە نازار اۋدارىپ, ونىڭ زاتۆور مەحانيزمٸن مەڭگەرۋٸ جاقسى دەڭگەيدە ەكەنٸن اتاپ ٶتكەن. كەزدەسۋ اياسىندا لۋكاشەنكو ٶزٸنە تارتۋ ەتٸلگەن ىدىستىڭ جاسالۋ ەرەكشەلٸكتەرٸمەن تانىسىپ, سولتٷستٸككورەيالىق سالتاناتتى قىلىشتى دا تاماشالادى.
ايتا كەتەيٸك, 25–26 ناۋرىز كٷندەرٸ الەكساندر لۋكاشەنكو پحەنيانعا رەسمي ساپارمەن باردى. بۇل – ونىڭ كحدر-عا العاشقى ساپارى. بەلارۋس كٶشباسشىسىن سولتٷستٸك كورەيا تاراپى ايرىقشا قۇرمەتپەن قارسى الدى. سالتاناتتى رەسٸمگە كيم چەن ىننىڭ ٶزٸ, ەل باسشىلىعى, ەسكەري قىزمەتكەرلەر مەن ەلوردا تۇرعىندارى قاتىستى. مۇنداي جوعارى دەڭگەيدەگٸ قابىلداۋ پحەنياندا تەك ەرەكشە مەرتەبەلٸ قوناقتارعا كٶرسەتٸلەدٸ.
