Belarýs prezidenti Aleksandr Lýkashenko Phenianǵa sapary barysynda KHDR kóshbasshysy Kim Chen Ynǵa myltyq syilady, dep habarlaidy Dalanews.kz.
Kezdesý barysynda taraptar bir-birine ulttyq rámizdik máni bar tartýlar usyndy. KHDR kóshbasshysy Kim Chen Yn Belarýs prezidentine qylysh pen qabyrshaqtarmen áshekeilengen erekshe ydys syilasa, Aleksandr Lýkashenko áriptesine Kalashnikov avtomaty negizinde jasalǵan qarý tabystady. Bul týraly prezidenttiń baspasóz qyzmetine jaqyn "Pýl pervogo" Telegram-arnasy habarlady.
"Jaý paida bola qalsa, kerek bolyp qalar", - dep ázil-shyny aralas pikir bildirdi Lýkashenko.
Sonymen qatar Belarýs basshysy Kim Chen Ynnyń qarý qoldanýdaǵy sheberligine de nazar aýdaryp, onyń zatvor mehanizmin meńgerýi jaqsy deńgeide ekenin atap ótken. Kezdesý aiasynda Lýkashenko ózine tartý etilgen ydystyń jasalý erekshelikterimen tanysyp, soltústikkoreialyq saltanatty qylyshty da tamashalady.
Aita keteiik, 25–26 naýryz kúnderi Aleksandr Lýkashenko Phenianǵa resmi saparmen bardy. Bul – onyń KHDR-ǵa alǵashqy sapary. Belarýs kóshbasshysyn Soltústik Koreia tarapy airyqsha qurmetpen qarsy aldy. Saltanatty rásimge Kim Chen Ynnyń ózi, el basshylyǵy, áskeri qyzmetkerler men elorda turǵyndary qatysty. Mundai joǵary deńgeidegi qabyldaý Phenianda tek erekshe mártebeli qonaqtarǵa kórsetiledi.
