LRT قارجىسىن جىمقىردى دەگەن قانات سۇلتانبەك نيۋ-يوركتە تويدا جٷر
وعان دەلەل رەتٸندە قانات سۇلتانبەكتٸڭ زاڭدى ەيەلٸ شولپان سەرگەيقىزىنىڭ ەلەۋمەتتٸك جەلٸدە جارييالاعان مىنا ۆيدەولارىن كٶرۋگە بولادى.
«بٸز قايدا بارا جاتىرمىز, تاۋىپ الىڭىزدار», - دەگەن شولپان سەرگەيقىزى كٶپ ۇزاماي امەريكالىق جۇپتىڭ تويىنان ٷزٸندٸ كٶرسەتە باستادى.
سونداي شاعىن ۆيدەولاردىڭ بٸرٸندە ەدەمٸ كيٸنگەن, جٷزٸنە كٷلكٸ ۇيالاعان, امەريكالىق تانىستارىنىڭ جانىندا توي تويلاپ جٷرگەن قانات سۇلتانبەك تە جٷر.
«مەن سٸزدەردٸ ۆيدەوعا تٷسٸرٸپ تۇرمىن» دەيدٸ شولپان سەرگەيقىزى سۇلتانبەكتٸ كٶرسەتٸپ.
الايدا سۇلتانبەك ەيەلٸنٸڭ Instagram-داعى Stories-تارىنان بٸرنەشە سەتكە جىلت ەتتٸ دە جوق بولدى.
جالپى, Astana-LRT قۇرىلىسىنا بٶلٸنگەن قاراجاتتى جىمقىرعان قانات سۇلتانبەكتٸڭ اقش-تا جٷرگەنٸن وسىعان دەيٸن بٸر ەمەس, بٸرنەشە رەت جازعان ەدٸك. سىبايلاس جەمقورلىققا قارسى كٷرەس اگەنتتٸگٸنٸڭ قازٸرگٸ تٶراعاسى ولجاس بەكتەنوۆتەن وسى ۆەدومستۆودا بٸرٸنشٸ ورىنباسار قىزمەتٸن اتقارىپ جٷرگەنٸندە سۇلتانبەكتٸڭ ەيەلٸ ەلەۋمەتتٸك جەلٸدە بەلسەندٸ ەكەنٸن, «وسى ارقىلى ٸزدەۋدە جٷرگەن ادامدى ۇستاۋعا بولماي ما?» دەپ تە سۇراعانبىز.
https://youtu.be/U5rOK9LTL1A
كەيٸن سىبايلاس جەمقورلىققا قارسى كٷرەس اگەنتتٸگٸ قانات سۇلتانبەك راسىمەن دە اقش اۋماعىندا ەكەنٸن راستادى. الايدا بٸزدٸڭ قۇقىق قورعاۋ ورگاندارى ونى ەلگە ەكستراديتسييالاۋ ٷشٸن بٸرنەشە رەت ەرەكەت ەتسە دە, سۇلتانبەكتٸ ۇستاي الماعان. سەبەبٸ اقش زاڭناماسىنا سەيكەس, قىزىل بيۋللەتەنٸ بار ادام كٶشٸ-قون تالاپتارىن بۇزباسا, ونى اقش اۋماعىندا جايدان-جاي ۇستاپ الۋعا بولمايدى. ونىڭ ٷستٸنە, قازاقستان مەن امەريكا اراسىندا قىلمىسكەرلەردٸ بەرۋ تۋرالى ەكٸجاقتى كەلٸسٸم بولماعان سوڭ, سۇلتانبەكتٸ قولعا تٷسٸرۋ پروتسەسٸ تٸپتەن قيىنداعان.
