LRT qarjysyn jymqyrdy degen Qanat Sultanbek Niý-Iorkte toida júr
Oǵan dálel retinde Qanat Sultanbektiń zańdy áieli Sholpan Sergeiqyzynyń áleýmettik jelide jariialaǵan myna videolaryn kórýge bolady.
«Biz qaida bara jatyrmyz, taýyp alyńyzdar», - degen Sholpan Sergeiqyzy kóp uzamai amerikalyq juptyń toiynan úzindi kórsete bastady.
Sondai shaǵyn videolardyń birinde ádemi kiingen, júzine kúlki uialaǵan, amerikalyq tanystarynyń janynda toi toilap júrgen Qanat Sultanbek te júr.
«Men sizderdi videoǵa túsirip turmyn» deidi Sholpan Sergeiqyzy Sultanbekti kórsetip.
Alaida Sultanbek áieliniń Instagram-daǵy Stories-tarynan birneshe sátke jylt etti de joq boldy.
Jalpy, Astana-LRT qurylysyna bólingen qarajatty jymqyrǵan Qanat Sultanbektiń AQSh-ta júrgenin osyǵan deiin bir emes, birneshe ret jazǵan edik. Sybailas jemqorlyqqa qarsy kúres agenttiginiń qazirgi tóraǵasy Oljas Bektenovten osy vedomstvoda birinshi orynbasar qyzmetin atqaryp júrgeninde Sultanbektiń áieli áleýmettik jelide belsendi ekenin, «osy arqyly izdeýde júrgen adamdy ustaýǵa bolmai ma?» dep te suraǵanbyz.
https://youtu.be/U5rOK9LTL1A
Keiin Sybailas jemqorlyqqa qarsy kúres agenttigi Qanat Sultanbek rasymen de AQSh aýmaǵynda ekenin rastady. Alaida bizdiń quqyq qorǵaý organdary ony elge ekstraditsiialaý úshin birneshe ret áreket etse de, Sultanbekti ustai almaǵan. Sebebi AQSh zańnamasyna sáikes, qyzyl biýlleteni bar adam kóshi-qon talaptaryn buzbasa, ony AQSh aýmaǵynda jaidan-jai ustap alýǵa bolmaidy. Onyń ústine, Qazaqstan men Amerika arasynda qylmyskerlerdi berý týraly ekijaqty kelisim bolmaǵan soń, Sultanbekti qolǵa túsirý protsesi tipten qiyndaǵan.
