كۇزگى لوكوموتيۆ كەشەندى تەكسەرۋدە پايدالانۋ، جوندەۋ جانە سەرۆيستىك كومپانيالار قاتىستى. ولاردىڭ مىندەتى – لوكوموتيۆتەردى سۋىققا ساپالى دايارلاۋ بولىپ تابىلادى. ويتكەنى تەمىر جولداردا قوزعالىس قاۋىپسىزدىگى مەن تەحنيكالاردىڭ سەنىمدىلىگى وسىعان بايلانىستى. العاشقى اياز تۇسكەنگە دەيىن تەمىرجولشىلار لوكوموتيۆتەردىڭ تەحنيكالىق، ورتكە قارسى جانە مادەني جاعدايىن تەكسەردى.
«قىسقا دايىندىق بويىنشا بارلىق قاجەتتى ءىس-شارالار اياقتالدى»، – دەپ اتاپ كورسەتتى ەلوردالىق لوكوموتيۆ پايدالانۋ دەپوسى باسشىسىنىڭ ءوندىرىس جونىندەگى ورىنباسارى داستان ەلەۋسىزوۆ.
قىسقى ماۋسىمعا لوكوموتيۆ بريگادالارى دا دايىندالۋدا. ولار ءۇشىن قىسقى جاعدايعا ەلەكتروۆوزدار مەن تەپلوۆوزداردى پايدالانۋ، قىزمەت كورسەتۋ جانە دايىنداۋ بويىنشا تەحنيكالىق وقىتۋلار وتكىزىلۋدە.
سونداي-اق، سۋىقتا ماگيسترالدا العاش رەت جۇمىس ىستەيتىن جاڭا قىزمەتكەرلەردى وقىتۋ ۇيىمداستىرىلدى.
تاجىريبەلى تالىمگەرلەر «العاشقى قىستىقتارعا» بەكىتىلىپ بەرىلدى. جوسپارلى تارتىپتە جۇمىسشىلار قىسقى ارنايى كيىممەن قامتاماسىز ەتىلۋدە. سونىمەن قاتار دەپودا ەرەكشە كليماتتىق جاعدايدا ۆيبروپانتوگرافتار (ەلەكتروقوزعالمالى قۇرامدا بايلانىسۋ سىمىنا مۇز قاتۋمەن كۇرەسۋگە ارنالعان قۇرال-جابدىق) قامتىلعان.
