شىعىس قازاقستان مايلى داقىلداردى ءوسىرۋ جانە وڭدەۋ بويىنشا ەل وڭىرلەرى اراسىندا كوش باستاپ كەلەدى. بۇگىندە وبلىس مايلى داقىلداردى وڭدەۋ كولەمىن 900 مىڭ تونناعا، ال وسىمدىك مايلارىن ەكسپورتتاۋدى ەكى ەسەگە ارتتىرۋعا باعىت الىپ وتىر.
– ەل پرەزيدەنتىنىڭ جولداۋىندا 3 جىل ىشىندە اوك-دەگى قايتا وڭدەلگەن ءونىمنىڭ ۇلەسىن 70%-عا دەيىن ۇلعايتۋ مىندەتى قويىلعان. ءبىز حالىقتى ساپالى جانە ءقاۋىپسىز ازىق-تۇلىكپەن قامتاماسىز ەتۋ، سونداي-اق ەكسپورت گەوگرافياسىن كەڭەيتۋ ماقساتىندا اۋىل شارۋاشىلىعى ونىمدەرىن بارىنشا ءتيىمدى وندىرۋگە باسا نازار اۋدارىپ وتىرمىز، – دەيدى شقو اكىمى ەرمەك كوشەربايەۆ.
2024 جىلدان باستاپ جىلىنا 4 مىڭ توننا كولەمىندە سۇيىق لەسيتين ءوندىرۋ ءۇشىن كۇنباعىس ءدانىن تەرەڭ وڭدەۋ تەحنولوگياسى ەلىمىزدە العاش رەت ەنگىزىلۋدە.
- بۇگىنگى تاڭدا تۇقىم قورىنىڭ بولۋى وزەكتى. ءبىزدىڭ وڭىردە ەليتالىق تۇقىم وسىرەتىن كاسىپورىن جۇمىس ىستەيدى جانە كۇنباعىس، سويا، جازدىق بيداي بۋداندارىن وندىرەدى. ايتالىق، "بايتەرەك" جانە "بايقوڭىر" كۇنباعىس سورتتارى ءبىرقاتار الەمدىك باسەكەلەستەرىنەن وزىپ، جەتەكشى ورىندارعا يە بولدى. مۇنداي جۇمىستى "مايلى داقىلدار تاجىريبەلىك شارۋاشىلىعى" ج ش س جۇرگىزۋدە، - دەپ قورىتىندىلادى ءوڭىر باسشىسى.
جالپى، وبلىستا اۋىل شارۋاشىلىعى سالاسىنىڭ الەۋەتى جوسپارلى تۇردە ۇلعايىپ كەلەدى.
