Shyǵys Qazaqstan maıly daqyldardy ósirý jáne óńdeý boıynsha el óńirleri arasynda kósh bastap keledi. Búginde oblys maıly daqyldardy óńdeý kólemin 900 myń tonnaǵa, al ósimdik maılaryn eksporttaýdy eki esege arttyrýǵa baǵyt alyp otyr.
– El Prezıdentiniń Joldaýynda 3 jyl ishinde AÓK-degi qaıta óńdelgen ónimniń úlesin 70%-ǵa deıin ulǵaıtý mindeti qoıylǵan. Biz halyqty sapaly jáne qaýipsiz azyq-túlikpen qamtamasyz etý, sondaı-aq eksport geografıasyn keńeıtý maqsatynda aýyl sharýashylyǵy ónimderin barynsha tıimdi óndirýge basa nazar aýdaryp otyrmyz, – deıdi SHQO ákimi Ermek Kósherbaev.
2024 jyldan bastap jylyna 4 myń tonna kóleminde suıyq lesıtın óndirý úshin kúnbaǵys dánin tereń óńdeý tehnologıasy elimizde alǵash ret engizilýde.
- Búgingi tańda tuqym qorynyń bolýy ózekti. Bizdiń óńirde elıtalyq tuqym ósiretin kásiporyn jumys isteıdi jáne kúnbaǵys, soıa, jazdyq bıdaı býdandaryn óndiredi. Aıtalyq, "Báıterek" jáne "Baıqońyr" kúnbaǵys sorttary birqatar álemdik básekelesterinen ozyp, jetekshi oryndarǵa ıe boldy. Mundaı jumysty "Maıly daqyldar tájirıbelik sharýashylyǵy" JSHS júrgizýde, - dep qorytyndylady óńir basshysy.
Jalpy, oblysta aýyl sharýashylyǵy salasynyń áleýeti josparly túrde ulǵaıyp keledi.
