اقتوبە قالالىق سوتىنىڭ شەشىمىمەن اقتوبە وبلىسىنىڭ ءبىر تۇرعىنى تەرروريزمدى ناسيحاتتاعانى جانە اتىس قارۋىن زاڭسىز ساقتاعانى ءۇشىن كىنالى دەپ تانىلىپ، 9 جىلعا باس بوستاندىعىنان ايىرىلدى، - دەپ حابارلايدى Dalanews.kz.

ۇقك تەرگەگەن قىلمىستىق ءىس شەڭبەرىندە سوتتالۋشى اينالاسىنداعىلاردى لاڭكەستەر جاعىندا شەتەلدەگى سوعىس قيمىلدارىنا قاتىسۋعا شاقىرعانى، سونىمەن قاتار، ءوزى دە ولارعا قوسىلۋدى جوسپارلاعانى انىقتالدى.

ءتىنتۋ بارىسىندا ودان 2 اۆتومات، 8 تاپانشا، 8 مىلتىق، 3 شولاق قارۋ، جاسىرىن تاسىمالداناتىن گارنيتۋراسىمەن 6 راديوستانسيا، 3 ءتۇتىن شاشكاسى، 1 جارىق گراناتاسى جانە 581 پاترونى تابىلدى.

سونداي-اق، ۇقك ماتەريالى بويىنشا الماتى وبلىستىق سوتىنىڭ شەشىمىمەن كاسكەلەڭ قالاسىنىڭ ءبىر تۇرعىنى تەرروريزمدى ناسيحاتتاعانى جانە تەرروريستىك ارەكەتتەردى ۇيىمداستىرۋعا ادامداردى تارتقانى ءۇشىن 9 جىلعا باس بوستاندىعىنان ايىرىلدى.

فيگۋرانت قازاقستاندا رەزونانستى زورلىق-زومبىلىق اكسياسىن جاساۋ ءۇشىن لاڭكەستىك توپ قۇرۋدى جوسپارلاعان. وسى ماقساتتا باسقا ءدىندار ادامدارعا لاڭكەستىك يدەولوگيانى قابىلداتىپ، ولاردى ءوز قاتارىنا تارتۋعا ارەكەتتەنگەن.

ۇقك مالىمەتىنشە، جىل باسىنان بەرى ۇقك تەرگەگەن قىلمىستىق ىستەر بويىنشا تەرروريستىك جانە ەكسترەميستىك قىلمىستار جاساعانى ءۇشىن ءارتۇرلى مەرزىمگە 34 ادام، سونداي-اق، 2 شەتەل ازاماتى سوتتالعان. ولار تەرروريزمدى ناسيحاتتاعانى، ءدىني ارازدىق تۋدىرعاندىعى، تەرروريستىك جانە ەكسترەميستىك توپتاردىڭ ارەكەتىنە تارتقانى، قۇرعانى جانە ولارعا قاتىسقانى، تىيىم سالىنعان ۇيىمداردىڭ ارەكەتىنە قاتىسقانى ءۇشىن كىنالى دەپ تانىلعان.

تاعى 23 ادامعا قاتىستى تەرگەۋ جالعاسىپ جاتىر.