شەرەمەت جۇمىس ىستەگەن «ۋكراينسكايا پراۆدا» باسىلىمىنىڭ حابارلاۋىنشا، جۋرناليست تاڭەرتەڭ كولىگىنە وتىرىپ، ۇيىنەن ونداعان مەترگە الىستاي بەرگەندە اۆتوكولىك جارىلعان. ماشينانىڭ «ۋكراينسكايا پراۆدا» جەتەكشىسى الەنا پريتۋلگە تيەسىلى ەكەنى بەلگىلى بولدى. الەنانىڭ ءوزى بۇل كەزدە كولىكتە بولماعان.
پاۆەل شەرەمەت – بەلارۋستىك، رەسەيلىك جانە ۋكراينالىق بەلگىلى جۋرناليست. ول 44 جاستا ەدى. ءجۋرناليستىڭ تاجىريبەسىن ول بەلارۋستىك تەليەۆيدەنيەدە باستادى. 1998-2008 جىلدارى شەرەمەت رەسەيلىك تەليەۆيدەنيەنىڭ «ءبىرىنشى ارناسىندا» ارنايى ءتىلشى، «ۆرەميا» باعدارلاماسىنىڭ جۇرگىزۋشىسى جانە دەرەكتى فيلمدەردىڭ اۆتورى بولدى. سوڭعى بىرنەشە جىلدا ول كييەۆتە تۇرىپ، «ۋكراينسكايا پراۆدا» باسىلىمىندا ىستەدى، «ۆەستي» راديوسىندا جۇرگىزۋشى بولدى.
پاۆەل شەرەمەت ازاتتىق راديوسىنىڭ ەفيرىنە ءجيى شىعاتىن - ۋكرايناداعى جانە رەسەيدەگى ساياسي پروسەستەرگە پىكىر بىلدىرەتىن. شەرەمەت ۋكراينالىق مايداندى جاقتاپ، رەسەيلى بيلىكتى سىنعا الدى. سوڭعى مارتە ول 9 ناۋرىزدا «ليسوم ك سوبىتيۋ» باعدارلاماسىنا قاتىسقان ەكەن. بۇعان دەيىن شەرەمەت قىرىم، دونباسس جانە ۋكرايناداعى رەفورمالار، داعدارىس تۋرالى پىكىرلەرىمەن بولىسكەن ەدى.
«قمد» اقپارات
